Senat depýtaty Dınar Núketaeva Qazaqstandaǵy aralas tildi mektepterdiń kóbeıgenin aıtyp, bolashaqta qazaq tiliniń taǵdyry qalaı bolady dep alańdady.
«Elimizde kúndizgi jalpy bilim beretin mektepterdiń sany – 6973. Oqýshylardyń sany – 3 mln 250 myń. Onyń ishinde qazaq tilinde oqytatyn 3726 mektep, orys tilinde oqytatyn 1181 mektep, aralas tilde oqytatyn 2043 mektep bar.
Basqa tilde oqytatyn 23 mektep bar: onyń ishinde 12 mektep – ózbek tilinde, 11 mektep – uıǵyr tilinde. Iaǵnı, aralas tildi mektepter jalpy mektep sanynyń 30%-ǵa jýyǵyn qurap otyr. Bul álemde eshbir elde kezdespeıtin, tek qana Qazaqstanda bar jaǵdaı. Bul úrdis odan ary da jalǵasa beretin bolsa, odan keıin qazaq tiliniń taǵdyry, el taǵdyry qalaı bolatynyn eshkim boljap aıta almaıdy», – dedi Senat depýtaty Dınar Núketaeva.
Qazaqstanda aralas tildi mektepterde bilim alatyn oqýshylar sany sońǵy 5 jylda aıtarlyqtaı ósken.
«Elimizdegi aralas tildi mektepterdiń sońǵy 5 jyldaǵy jaǵdaıyna qarasaq, 2016 jyly – 2045 mektep, 2017 jyly – 2037 mektep, 2018 jyly – 2046 mektep, 2019 jyly – 2054 mektep bolǵan.
Al 2020 jyly aralas tildi 2043 mektep jumys istep, onda 1 393 727 oqýshy bilim alyp jatyr. Demek, 2016 jylmen salystyrǵanda, osyndaı mektepterde oqıtyndardyń ósý tendenııasy jyl saıyn údeı túsip, olardyń sany 196 715 oqýshyǵa deıin artqan», – dep naqtylady senator.
