Qazaqstandyq mektep oqýshylarynyń kóktemgi demalysy 12 kúnge sozylady. Bul týraly QR Bilim jáne ǵylym mınıstrliginiń baspasóz qyzmeti habarlady.
«Mektep oqýshylarynyń kóktemgi demalysy 20-31 naýryz aralyǵynda – 12 kún bolady. 4-toqsannyń sabaǵy 1 sáýirde bastalady», – delingen mınıstrlik habarlamasynda.
Sonaı-aq vedomstvo 3-toqsanda 1-synyp oqýshylary úshin qosymsha demalys bolǵanyn málimdedi. Ol 7 kún, ıaǵnı 8-14 aqpan aralyǵynda bolǵan.
Eske salsaq, oqý jylynyń 3-toqsanynan bastap bitirýshi synyptar (9,11,12 synyptar) sanıtarlyq-epıdemıologııalyq talaptar saqtala otyryp, aralas oqytý (pánderdiń 70 paıyzyn – dástúrli formatta, 30 paıyzyn – qashyqtan) formatyna kóshirildi.
Sonymen qatar, QR Bas memlekettik sanıtarııalyq dárigeriniń jańa qaýlysyna sáıkes, 1 naýryzdan bastap mektepterde bilim berý aralas formatqa kóshirilgendikten, 1-5 synyp oqýshylary mektepte oqı bastady.
