Memleket Basshysy Qasym-Jomart Toqaevtyń Jarlyǵyna sáıkes elimizdiń 2025 jylǵa deıingi damýynyń ulttyq jospary bekitildi, dep habarlaıdy «Adyrna» tilshisi ulttyq ekonomıka mınıstrliginiń resmı saıtyna silteme jasap.
Eldiń 2025 jylǵa deıingi damýynyń ulttyq josparynda jańa ekonomıkalyq baǵytymyzdyń negizgi mindetteri men parametrleri aıqyndalǵan. Qujatta asa mańyzdy salalardy damytý jónindegi strategııalyq paıym, koronadaǵdarys saldaryn jumsartýǵa jáne jańa ekonomıkalyq naqtylyq pen aǵymdaǵy jahandyq úrdister jaǵdaıynda ekonomıkanyń ornyqty, ınklıýzıvti jáne sapaly damýyn qamtamasyz etýge baǵyttalǵan negizgi saıasatty jetildirý jónindegi baǵdarlar kórsetilgen.
Atalǵan qujat QR Prezıdenti Qasym-Jomart Toqaevtyń tapsyrmasy boıynsha Ulttyq ekonomıka mınıstrligi Strategııalyq josparlaý jáne reformalar agenttigimen birlesip ázirlendi.
Jospar halyqtyń ómir súrý sapasy men ál-aýqatyn arttyrýǵa baǵyttalǵan túbegeıli ınstıtýıonaldyq jáne salalyq reformalar úshin negiz qalaıdy.
Naqty strategııalyq kórsetkishterdiń egjeı-tegjeıli kartasy ulttyq jospardyń ajyramas bóligi bolyp tabylady, oǵan qol jetkizý úshin ekonomıkanyń ózindik jetkiliktiligin arttyrý, ártaraptandyrý, ınvestıııalardy targettelgen tartý, eksportty belsendi ilgeriletý, jeke kásipkerlikti qoldaý jáne keshendi damytý arqyly onyń jańa qurylymyn qalyptastyrý boıynsha naqty sharalar qabyldanady.
Densaýlyq saqtaý men bilim berý qyzmetterin jaqsartýǵa, ınfraqurylymdy damytýǵa, nátıjeli jumyspen qamtýǵa jáne halyqtyń áleýmettik ál-aýqatyn arttyrýǵa erekshe nazar aýdarylatyn bolady.
Sondaı-aq, Memleket basshysy Memlekettik josparlaý júıesiniń jańa quraly bolyp tabylatyn «Qazaqstan Respýblıkasynyń 2025 jylǵa deıingi jalpyulttyq basymdyqtary týraly» Jarlyqqa qol qoıdy.
Jalpyulttyq basymdyqtar (JUB) úsh túıindi baǵyt boıynsha 10 naqty mindetti bildiredi: azamattardyń ál-aýqaty, ınstıtýttardyń sapasy jáne kúshti ekonomıka qurý.
Áńgime jaqyn keleshekte reformalar júzege asyrylatyn on baǵyt týraly bolyp otyr: ádil áleýmettik saıasat, densaýlyq saqtaýdyń qoljetimdi jáne tıimdi júıesi, sapaly bilim berý, azamattardyń múddelerin qorǵaýǵa arnalǵan ádil jáne tıimdi memleket, memlekettik basqarýdyń jańa modeli, patrıotızm qundylyqtaryn dáripteý, ulttyq qaýipsizdikti nyǵaıtý, ártaraptandyrylǵan ınnovaııalyq ekonomıka qurý, ekonomıkalyq jáne saýda dıplomatııasyn belsendi damytý jáne teńgerimdi aýmaqtyq damý.
Ulttyq damý josparynyń jáne jalpyulttyq basymdyqtardyń barlyq ındıkatorlary búkil memlekettik apparat jumysynyń ózekti baǵyttaryn aıqyndaıdy. Kórsetilgen strategııalyq qujattardy iske asyrý qazirgi kezeńniń syn-qaterlerin eńserýge baǵyttalǵan jáne ortamerzimdik perspektıvada eldiń halyqtyń ómir súrý sapasy men tabysynyń naqty ósýimen qatar júretin ornyqty jáne sapaly ekonomıkalyq ósý traektorııasyna shyǵýyn qamtamasyz etýge arnalǵan.
«Adyrna» ulttyq portaly
