Reseılik saıasatker "Stop inform terror of Russia" qorynyń jetekshisi German Obýhov úreıli aqparat taratty. Onyń oıynsha aldaǵy ýaqytta Reseı AQSh pen Eýroodaqtyń kezekti ekonomıkalyq sankııalarynan ydyrap, 8 memleketke bólinip ketýi múmkin deıdi. Muny reseılik saıasatkerdiń ózi aıtyp otyr.
Obozrevatel TV arnasyna bergen suqbatynda reseılik saıasatker memlekettiń aldaǵy ýaqyttaǵy taǵdyryna úreımen qaraıtynyn aıtyp, Reseıdi kópirdiń ústinde tur dep atap ótti.
"Daǵystanǵa bar, Sheshenstanǵa bar, Reseıdiń basqa da barlyq óńirlerine bar, bári de daǵdarysta tur. Eldiń bıýdjeti urlanyp, tonalyp, áleýmettik ahýaly ábden qaljyraǵan. Osy jaǵdaı Pýtınniń de taǵdyryn sheshedi. Reseıdi keshegi Keńes ókimetiniń taǵdyry kútip tur",-dedi ol.
German Obýhov Reseıdiń qazirgi saıası júıesiniń jumysy 2025 jylǵa deıin ǵana jalǵasady, odan keıin ne bolaryn aıta almaımyn dep otyr. Saıasatker AQSh-tyń basshylyǵyna kelgen qazirgi prezıdent Djo Baıdendi Tramppen eshqashan salystyra almaıdy. Baıdenniń Reseıge qarsy ustanǵan saıasaty anaǵurym qatań bolatyny qazirdiń ózinde kózge kórinip turǵanyn aıtty.
AQSh keshe ǵana Germanııany "Soltústik aǵyn-2" jobasynan shyǵarýǵa kóndirip, álemdegi 120-daı ınjenerlik merdiger kompanııany jobaǵa qatysýdan shettetti. Bir jaǵynan Germanııa basshylyǵyna Reseıge keri kózqarastaǵy adam kelgeni de AQSh-qa tıimdi bolyp otyr. Ýkraınany da gaz jelisinen shettetti. Menińshe, orysqa túsken salmaqty endi Eýrazııalyq odaqtyń ishindegi Qazaqstan men Belorýs ekige bólip óńgeretin jaǵdaıda qalmasa bolǵan.
Bekbolat QARJAN,
"Adyrna" ulttyq portaly
