Mıhaıl Saakashvılı ýkraınalyq úılestirý keńesiniń quramynan shyǵaryldy. Ýkraına prezıdenti Vladımır Zelenskııdiń jarlyǵy resmı saıtynda jarııalandy, dep habarlaıdy “Adyrna” ulttyq portaly Sputnik. Qazaqstan saıtyna silteme jasap
Qujat kúshine engen.
Bosaǵan orynǵa reformalar jónindegi atqarý komıtetiniń sarapshysy Georgıı hakaı keldi.
Aıta keteıik, 2013 jyly Mıhaıl Saakashvılı Grýzııadan ketip qalǵan. Sol kezde oǵan qatysty tórt qylmystyq is qozǵalǵan bolatyn. Ony syrttaı sottap, qamaýǵa alýǵa sheshim shyǵarǵan.
2015 jyly Saakashvılı Ýkraınaǵa keldi. Petr Poroshenko ony Odessa oblysynyń gýbernatory qyzmetine taǵaıyndady. Alaıda bir jyldan keıin bul qyzmetten alyp tastady. Al 2017 jyly Ýkraına azamattyǵyn qaıtaryp aldy.
2019 jyly 28 mamyrda osy eldiń jańa prezıdenti Vladımır Zelenskıı Saakashvılıge qaıtadan azamattyq berip, reformalar jónindegi ulttyq keńestiń atqarýshy komıtetiniń basshylyǵyna taǵaıyndady.
