Qazaqstan Respýblıkasy
Premer-mınıstriniń orynbasary
E. L. Toǵjanovqa depýtattyq saýal
Qurmetti Eraly Luqpanuly!
Bıyl 30 jyldyǵy atalyp ótetin Qazaq Eli Táýelsizdigi jolyndaǵy ǵasyrlar boıǵy janqııarlyq kúresterdiń ishinde Alashordanyń orny aıryqsha!
Orta Azııada alǵashqy zamanaýı saıası partııa quryp, Alashorda avtonomııasyn jarııalaǵan Alash arystary Azattyq jolyndaǵy uly kúreste ult bolashaǵy úshin sanaly túrde qurbandyqqa bara bilýimen qandaı qurmetke de laıyqty.
Basty Urany - Jerdi satpaý, Eldi saqtaý,Tildi saqtaý bolǵan Alash arystaryn ulyqtaýdy Prezıdenti Toqaev «Táýelsizdik bárinen qymbat» atty baǵdarlamalyq maqalasynda bastap berdi: "Biz kezinde elge qyzmet etýdiń ozyq úlgisin kórsetken Alash qaıratkerlerinen taǵylym alamyz. Olar ótken ǵasyrdyń basynda Táýelsizdik ıdeıalaryn halyq arasynda dáripteýge zor eńbek sińirip, azattyq jolynda qurban boldy.Táýelsizdigimizdiń mereıtoıy aıasynda osyndaı birtýar tulǵalardy eske alyp, olardyń murasyn jastarymyzǵa jáne búkil álemge pash etýimiz kerek" – dep, atap kórsetti.
Sonymen qatar Táýelsizdiktiń 30 jyldyǵyn merekeleý jónindegi komıssııanyń memlekettik deńgeıdegi is-sharalar qatarynda Alash kósemi Álıhan Bókeıhannyń 155 jyldyǵy da bar ekeni kóńilge qýanysh uıalatady.
Sondaı-aq, Qaraǵandy qalasynyń Oktıabr aýdanyna Álıhan Bókeıhannyń atyn berý jónindegi sheshimdi halyq zor qýanyshpen qarsy aldy.
Sońǵy kezde Alash taqyryby el arasynda keń tarala bastaǵany óte qýanyshty tendenııa.
El táýelsizdigi jolynda janyn pıda etken Alash qaıratkerleriniń asqaq rýhyn qasterlep, este qaldyrý sharalary (kóshelerge, mektepterge, eldi mekenderge esimderin berý, eskertkishter qoıý, t.b.) elorda men óńirlerde tıisti dárejede júzege asýy qajet.
Alaıda, Alash dese qarapaıym kópshiliktiń esine tek Alashorda úkimetiniń kórnekti kósemderi Álıhan Bókeıhan, Ahmet Baıtursynuly, Mirjaqyp Dýlatuly sekildi birneshe tulǵanyń esimderi ǵana keledi. Shyn máninde bul tizim áldeqaıda aýqymdy.
Elimizdiń túkpir-túkpirindegi Alash ustanymyn nasıhattaǵan, sol úshin qurban bolǵan jergilikti Alash qozǵalysy qaıratkerleriniń erlikteri eskerilmeı, esimderi álige deıin belgisiz bolyp otyrǵany ókinishti. Bulardyń bári Táýelsiz Qazaq Eli úshin qurban bolǵandar! "Árýaq rıza bolmaı, tiri baıymaıdy" degen dana halqymyzdyń sózin umytýǵa bolmaıdy.
Sol sebepten, 2019 jyly «Aq jol» partııasynyń tóraǵasy Azat Perýashev «Alash» ınstıtýtymen birlesip, buryn belgisiz bolyp kelgen 700-den astam tulǵany quraıtyn jergilikti Alash qaıratkerleriniń tizimin daıyndady. Alashtanýshy ǵalymdardyń zertteýleriniń negizinde jasalǵan tizimge kópshilik qaýymǵa esimderi umyt bolǵan ár óńirdiń jergilikti Alash qaıratkerleri engizildi. Árbir oblys, qala ákimderine sol jerge qatysy bar, sol jerden shyqqan Alashshyl azamattardyń tizimi jiberilip, olardyń attaryn jergilikti jerdegi kóshe, mektep, t.b. nysandar ataýlaryna berýdi usynǵan bolatynbyz.
Alaıda, alynǵan jaýaptar kóńilge qonbaıdy. Kóbinese jaýaptar jaltarma sıpatta, buǵan deıin Alashtyń el aýzyndaǵy jıyrma shaqty tanymal basshylarynyń esimderin ataýmen ǵana shektelgen.
Sonda bizdiń sheneýnikter Alash ıdeıasyn búkil qazaqty oıatatyn, biriktiretiń uran emes, keıbir jekelegen adamdardyń kózqarasy ǵana dep kórsetkisi keletin sııaqty.
«Aq jol» partııasy, árıne, bundaı kertartpa árekettermen kelise almaıdy.
Mysaly, biz Shyǵys Qazaqstan oblysy ákimdiginiń ózine ǵana Alash armany úshin aıqasqan 125 adamnyń tizimin jiberdik! Atap aıtsaq, Turaǵul Abaıuly, Bıahmet Sársenov, Hamıt Toqtamysov, Jahabaı Átikuly, Jubandyq Bolǵanbaıuly jáne tb. Olardyń barlyǵy elimizdiń azattyǵy úshin óz ómirleriń sanaly túrde qurban etti. Osy 125 batyrdan bir adamnyń aty eskerildi me? Joq.
Eń ókinishtisi - osyndaı jaǵdaı barlyq oblystar men qalalarda da qalyptasyp otyr.
Bundaı ádiletsizdikti biz úlken saıası qatelik dep sanaımyz. Oǵan joǵaryda atalyp ketken memleket basshysynyń maqalasy da naqty dálel.
Jalpy, bizde memleket tarapynan bekitilgen tizim bar, soǵan engen tulǵalar ǵana álgideı qurmetke ıe bola alady. Ol tizimge kóp Alash qaıratkerleri kirmegen. Prezıdenttiń atalmysh maqalasyndaǵy Alash týraly talapty eskere otyryp, sol memlekettik arnaıy tizimdi qaıta qaraý kerek.
Bizge endi Táýelsizdiktiń 30 jylyynda Rýhanı jańǵyrý baǵytyndaǵy memlekettik múdde men ulttyq ıdeologııa talap etetin syndarly saıasat pen naqty is-áreket qajet.
Sol sebepten, «Aq jol» partııasy, Táýelsizdigimizdiń 30 jyldyq mereıtoıynyń qarsańynda, Alash qaıratkerleriniń qasıetti esimderin máńgilik este saqtap, onomastıka turǵysynda qoldaný úshin atalǵan tizimdi Úkimetke jiberip otyrmyz.
Osyǵan baılanysty, «Aq jol» frakııasynyń depýtattary, 2019 jyly biz joldaǵan hattardy jergilikti ákimdikterge qaıta kóterýdi tapsyryp, Alash kósemderimen birge myńdaǵan jergilikti Alash qaıratkerleriniń qasıetti esimderin ulyqtaý sharalaryn baqylaýǵa alýyńyzdy suraıdy.
Qurmetpen,
«Aq jol» frakııasynyń depýtattary
https://www.facebook.com/100001908576595/posts/5139186459488256/?d=n
