Nur-Sultan ákimdigi kópbalaly analarǵa Halyqaralyq áıelder kúnine oraı 7293 teńgeden beredi, dep habarlaıdy «Adyrna» tilshisi zakon.kz-ke silteme jasap.
Qazaqstandyqtar bul jańalyqty áleýmettik jelide qyzý talqylap jatyr.
Buǵan túsinikteme bergen ákimdiktiń baspasóz qyzmetiniń jetekshisi Aqmaral Oljabaeva máslıhattyń bul sheshimi 2017 jyldyń sońynda qabyldanǵanyn aıtty.
«Áleýmettik kómek kórsetý erejelerine sáıkes, Astana qalasy máslıhatynyń 2017 jyldyń 12 jeltoqsandaǵy No221 / 25-VI bekitilgen sheshimi boıynsha Nur-Sultan qalasynyń muqtaj azamattarynyń jekelegen sanattarynyń mólsherin belgileý jáne olardyń tizimin anyqtap, kóp balaly otbasylarǵa, kóp balaly analarǵa, onyń ishinde az qamtylǵan otbasylarǵa 8 naýryzǵa (Halyqaralyq áıelder kúnine) deıin 2,5 AEK (7 293 teńge) mólsherinde birjolǵy áleýmettik kómek taǵaıyndalady, - dep jazdy ol.
Onyń aıtýynsha, áıelderdiń tizimderin "Azamattarǵa arnalǵan úkimettiń" Nur-Sultan fılıaly usynady.
«Adyrna» ulttyq portaly
