"Ulytaý" toby Los-Andjeleste uıymdastyrylǵan The Djooky Music Awards baıqaýynda birinshi oryn aldy. Qýanyshty habardy toptyń prodıýseri Qydyráli Bolman málimdedi, dep habarlaıdy "Adyrna" ulttyq portaly ánshiniń ınstagramyna silteme jasap.
Qydyráli Bolmannyń jetekshiligimen top AQSh-tyń Los-Andjeles qalasynda ótken Djooky Music Awards halyqaralyq mýzykalyq baıqaýynda rok-metall sanaty boıynsha jeńiske jetti. Top Mahambet Ótemisulynyń "Jumyr qylysh" kúıin oryndaǵan.
Baıqaý onlaın daýys berý arqyly ótti. Daýys berý 27 aqpan tańǵy 06.00-de bastalyp, 1 naýryz kúni toqtatyldy.
"Búkilálemdik jeńis qutty bolsyn, qazaq eli! Myń alǵys, myń taǵzym! Kúmbirlegen, tasyp-tógilgen kúılerimizdi álemniń sahnasyna shyǵaryp, dombyramyzdy alaman báıgelerge qosyp, bas júldeler buıyrtqan Allaǵa sansyz madaqtar bolsyn! Úlken qoldaý qórsetip, tańǵy 6:00-ge deıin "Ulytaý" tobymen birge bolǵan sizderge, Qazaqstan óner juldyzdaryna, birtutas qazaq eline, myń alǵys, myń taǵzym!", - dep jazdy Bolman.
Baıqaýdyń qorytyndysy aralas formatta shyǵaryldy: 50% – kórermenderdiń daýys berýi, 50% – amerıkalyq prodıýser Braıan Malýftyń sheshimi.
"Ulytaý" toby – 2001 jyly qurylǵan etno-rok stılindegi mýzykalyq ujym. Sol jyly top Gollıvýdta ótken búkilálemdik mýzyka oryndaýshylarynyń chempıonatynda bas júlde aldy.
