Bul týraly QR tótenshe jaǵdaılar mınıstri Iýrıı Ilın Ortalyq kommýnıkaııalar qyzmetinde ótken brıfıngte aıtty, dep habarlaıdy "Adyrna" ulttyq portaly BAQ.kz saıtyna silteme jasap.
Qys kezeńiniń basynan bastap respýblıka boıynsha 1 063 daýyldy eskertý jarııalandy, respýblıkalyq jáne oblystyq mańyzy bar avtojol ýchaskeleri 682 ret jabyldy, júk jáne jolaýshy avtokólikteri úshin 233 ret qozǵalysqa shekteý engizildi.
"1 240-tan asa adam qutqarylyp, evakýaııalandy, 97 jylytý pýnkti jumyldyryldy, 439 tehnıka qutqaryldy. Avarııalyq-qutqarý jumystaryna TJM, IIM, Qazavtojoldan jáne jergelikti atqarýshy organdardan 5 myńnan asa adam jáne 1 396 tehnıka jumyldyryldy", - dep aıtty mınıstr.
Onyń sózinshe, halyqty TJ qaýpi týraly eskertý maqsatynda turǵyndardyń uıaly telefondaryna aýa raıynyń nasharlaýy týraly sms-habarlama, sondaı-aq «Dármen» mobıldik qosymshasy arqyly da habarlama jiberildi.
"Qazir abonentter sany ósip keledi. Ótken jyldarmen salystyrǵanda qar qursaýyna túsken kólikter sany edáýir azaıdy. Jergilikti atqarýshy organdar joldardyń qozǵalysyn shekteý boıynsha úlken jumystar atqaryp jatyr. Degenmen aıtylǵan faktiler boıynsha barlyq adam birdeı TJ eskertýin oryndaı bermeıdi. Osyndaı ýaqytta qutqarýshylar jolda qalǵandardy qutqarýǵa shyǵady", - deıdi Ilın.
TJM mınıstri atap ótkendeı, ótken aptada aýa raıy qubylmady boldy. Qazirgi jaǵdaı boıynsha Qazgıdromet derekteri boıynsha 9 óńirde daýyldy eskertý jarııalandy. Olar Shymkent, Aqmola, ShQO, BQO, Jambyl, Qaraǵandy, Qostanaıǵ Qyzylorda jáne Túrkistan oblystary.
"Sondaı-aq, 3 óńir ýchaskelerinde joldar jabyq. Qys mezgili kúntizbe boıynsha aıaqtaldy. Degenmen ortalyq Qazaqstanǵa jańa ıklon jaqyndap keledi. Jeldiń kúsheıýinen atalǵan óńirlerde TJ bolýy múmkin", - dedi mınıstr Iýrıı Ilın.
