Qazaq eli Edige Tursynovpen qoshtasty

2748
Adyrna.kz Telegram

Qazaqtyń uly ǵalymy, belgili folklortanýshy, túriktanýshy Edige Tursynovty QR Ulttyq kitaphanasynan el-jurty aqtyq saparǵa shyǵaryp saldy. Qoshtasý sharasyna halyq kóp jınaldy. Qaraly jıyndy asyldyń synyǵy, tulpardyń tuıaǵy, mádenıettanýshy Murat Áýezov júrgizip otyrdy. img_4592

img_4584-1Almaty qalasy Tilderdi damytý basqarmasynyń basshysy Mamaı Ahet Almaty qalasy ákimi Baýyrjan Baıbektiń qazaqtyń qabyrǵasyn qaıystyrǵan qazaǵa arnalǵan kóńil aıtý hatyn oqyp berdi. Qaraly jıynnyń uıymdastyrýshylyq jumysynda úlken qoldaý kórsetken Almaty qalasy Jastar saıasaty jónindegi basqarma basshysy Elnur Beısenbaev bastaǵan jastarǵa degen rızashylyǵymyz sheksiz.

img_4537Marat Sembın, Merýert Ábýseıitova, Kenjehan Matyjan, Esenǵalı Raýshanov, Álmıra Naýryzbaeva, Hákim Omar, Qaırat Janabaev jáne taǵy basqa tanymal tulǵalar tebirene sóılep, marqum Edige Tursynovtyń adamgershilik bolmysy, ǵalymdyq ǵalamat deńgeıi, basyna túsken taǵdyr taýqymeti jóninde sóz sóıledi.
Edige aǵamyzdyń denesi "Keńsaı-2" zıratynda jer qoınaýyna tapsyryldy. Odan keıin tús mezigilinde "Otyrar" meıramhanasynda marqumǵa arnalyp as berildi. Ol asty ónertanýshy Erlan Tóleýtaı aǵamyz maǵynaly etip júrgize bildi. Munda da kóz kórgen jurt Edige Dáriǵululynyń jaqsy qasıetterin, ustazdyq meırimin, ǵalymdyq suńǵylalyǵyn, tynymsyz eńbekqorlyǵyn aıtyp tarqasty.
img_4656Kópshilik uly ǵalymnyń tiri kezinde elenbegenin, tipti talantty bolǵany úshin aıaǵynan shalýshylardyń kóp bolǵanyn aıtyp nalydy. Dara tulǵanyń qazasynyń ózi kózi tiri jaqsylarymyzdy baǵalaýdy úndep turǵandaı, túge.
Edige Tursynovtyń qazasy qazaq rýhanııaty úshin orny tolmas qaıǵy. Biraq, artynda ólmeıtuǵyn sóz qaldyrǵan ǵalymnyń isi árdaıym bolashaqqa sáýle túsirip, jol siltep turmaq.
Sóz sońynda árýaqtar eline sońǵy saparyn saltanatty etip ótkizýge eńbek sińirgen Edige Tursynovtyń (týǵan qaryndasynyń qyzy) jıeni Sabınaǵa, onyń súıikti shákirti Qaırat Janabaevqa, qıyn sátte qol ushyn sozǵan mádenıettanýshy Murat Áýezovke, QR Ulttyq kitaphana dırektory Janat Seıdýmanovqa, Almaty qalasy Tilderdi damytý basqarmasnyń basshysy Mamaı Ahetke, Almaty qalasy Jastar saıasaty basqarmasynyń basshysy Elnur Beısenbaevqa, "Temirqazyq" túriktaný ortalyǵynyń dırektory Hákim Omarǵa, jerleý shyǵyndary boıynsha qarjy qosqan Káken Qamzaǵa, Sáken Seıfýllınge, Dastan Eldesovke, Asııa Muhamedovaǵa, Erbol Qurmanbaevqa, Maral Tompıevke, Ahat Razaqqa, "Dáýlet" sharýaqojalyǵynyń dırektory Ótemis Mahanovqa, mádenıettanýshy Álmıra Naýryzbaevaǵa, naǵyz patrıot azamat Temirbek Izdibaevqa, "Túrki álemi" gazetiniń quryltaıshysy Darıǵa Júniske jáne taǵy basqa aty atalmaǵan jany jomart, kóńili márt kisilerge marqumnyń árýaǵy razy bolsyn deımiz. "Árýaq razy bolmaı, tiri baıymaıdy".


Arman Áýbákir

Pikirler