Búgin kóktemniń jadyraǵan alǵashqy kúninde halqymyz Alǵym aıtý kúnin toılaıdy, dep habarlaıdy “Adyrna” ulttyq portaly.
2016 jylǵy 14 qańtarda Elbasy Nursultan Nazarbaev № 173 Jarlyqqa qol qoıǵan bolatyn. Ol Jarlyqqa sáıkes, Qazaqstan halqy Assambleıasy qurylǵan 1 naýryz – elimizde Alǵys aıtý kúni dep jarııalandy. Dál sol jyly elimiz óz tarıhynda tuńǵysh ret Alǵys aıtý kúnin atap ótken edi.
«Stalındik rejim kezinde Qazaqstanǵa kóptegen halyqtar jer aýdaryldy – 800 myńǵa jýyq nemis, 102 myń polıak, 550 myń Soltústik Kavkaz halqynyń ókilderi, 18,5 myń Qıyr Shyǵystaǵy koreı otbasylary kóship kelýge májbúr boldy. Olardy poıyz vagondarynan japan dalaǵa túsirip ketti. Ol kezderi munda tek qazaqtar ómir súrdi. Sondyqtan, olar qabyl alyp, kómek kórsetti. Qıyn ýaqyttardy bastan ótkerip júrgen qazaq otbasylary balshyq úılerine kirgizip, qabyldady. Bizdiń januıamyz da úsh balasy bar erli-zaıyptyny qabyldady. Qazaqstan halqy Assambleıasynyń qurylǵan kúnin – 1 naýryzdy jyl saıyn barlyq etnostardyń bir-birine meıirimdilik kórsetetin, túrli halyqtardy týǵanyndaı qabyldaǵan qazaqtarǵa Alǵys aıtý kúni dep atap ótken durys bolar edi. Bul bizdi odan ári jaqyndastyrar edi. Bul kún barlyq qazaqstandyqtardyń bir-birine meıirimdilik, dostastyq jáne mahabbat tanytý merekesi bola alady», – degen edi Elbasy Nursultan Nazarbaev 2015 jyldyń 22 sáýiri kúni QHA-nyń XXII sessııasy barysynda.
Alǵys aıtý kúni- yntymaqtastyqqa bastaıtyn mereke.
