Bügın köktemnıŋ jadyraǧan alǧaşqy künınde halqymyz Alǧym aitu künın toilaidy, dep habarlaidy “Adyrna” ūlttyq portaly.
2016 jylǧy 14 qaŋtarda Elbasy Nūrsūltan Nazarbaev № 173 Jarlyqqa qol qoiǧan bolatyn. Ol Jarlyqqa säikes, Qazaqstan halqy Assambleiasy qūrylǧan 1 nauryz – elımızde Alǧys aitu künı dep jariialandy. Däl sol jyly elımız öz tarihynda tūŋǧyş ret Alǧys aitu künın atap ötken edı.
«Stalindık rejım kezınde Qazaqstanǧa köptegen halyqtar jer audaryldy – 800 myŋǧa juyq nemıs, 102 myŋ poliak, 550 myŋ Soltüstık Kavkaz halqynyŋ ökılderı, 18,5 myŋ Qiyr Şyǧystaǧy korei otbasylary köşıp keluge mäjbür boldy. Olardy poiyz vagondarynan japan dalaǧa tüsırıp kettı. Ol kezderı mūnda tek qazaqtar ömır sürdı. Sondyqtan, olar qabyl alyp, kömek körsettı. Qiyn uaqyttardy bastan ötkerıp jürgen qazaq otbasylary balşyq üilerıne kırgızıp, qabyldady. Bızdıŋ janūiamyz da üş balasy bar erlı-zaiyptyny qabyldady. Qazaqstan halqy Assambleiasynyŋ qūrylǧan künın – 1 nauryzdy jyl saiyn barlyq etnostardyŋ bır-bırıne meiırımdılık körsetetın, türlı halyqtardy tuǧanyndai qabyldaǧan qazaqtarǧa Alǧys aitu künı dep atap ötken dūrys bolar edı. Būl bızdı odan ärı jaqyndastyrar edı. Būl kün barlyq qazaqstandyqtardyŋ bır-bırıne meiırımdılık, dostastyq jäne mahabbat tanytu merekesı bola alady», – degen edı Elbasy Nūrsūltan Nazarbaev 2015 jyldyŋ 22 säuırı künı QHA-nyŋ XXII sessiiasy barysynda.
Alǧys aitu künı- yntymaqtastyqqa bastaityn mereke.
