Qazaqstandyq oqýshylar naýryzdan bastap mektepte oqıdy. Bul týraly Qazaqstannyń bas memlekettik sanıtar dárigeri Erlan Qııasovtyń karantın týraly jańa qaýlysynda aıtyldy.
2021 jylǵy 1 naýryzdan bastap jalpy bilim beretin mektepterde 1-den 5-synypqa deıin qosa alǵanda, halyqaralyq mektepterde 1-den 7-synypqa deıin qosa alǵanda aralas oqıdy.
Sondaı-aq oqý bitiretin synyptar (9, 11 (12) synyptar) úshin aptanyń 6 kúni ishinde aralas oqytýǵa ruqsat etildi: pánderdiń 70%-y shtattyq rejımde, 30%-y qashyqtan ótedi (synypta 15 adamnan artyq emes, áleýmettik qashyqtyqty saqtaý, 1 synyp - 1 kabınet qaǵıdaty boıynsha oqytý, bir ýaqytta mektepte jobalyq qýattyń 30%-dan aspaıtyn adamnyń bolýy, sanıtarııalyq-dezınfekııalyq rejımdi, maska rejımin kúsheıtý talaptaryn oryndaý qajet).
Bilim berý mekemesi ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruqsat berildi. Onyń ishinde kolledjder men joǵary oqý oryndarynyń I kýrs stýdentteri úshin ekinshi semestrden bastap shtattyq oqýǵa bolady.
«Adyrna» ulttyq portaly
