«Aq jol» partııasy ákimdikter bergen áleýmettik turǵyn úılerge muqııat tekserý júrgizýdi talap etedi. Bul týraly búgin frakııa depýtaty Erlik Ómirǵalı depýtattyq saýalynda málimdedi, dep habarlaıdy «Adyrna» tilshisi partııanyń baspasóz qyzmetine silteme jasap.
QR Premer-Mınıstri
A.U.Mamınge
Memleket basshysy Qazaqstan halqyna joldaýynda azamattardyń áleýmettik ál-aýqaty, eń aldymen, turǵyn úı máselesimen tyǵyz baılanysty ekenin atap ótti. Tabysy turǵyn úı máselelerin óz betinshe sheshý úshin jetkiliksiz azamattarǵa tıimdi áleýmettik qoldaý kórsetiletin bolady. Kezekte turǵandardyń turǵyn úı problemalaryn neǵurlym jedel sheshý qajet.
Halyqtyń áleýmettik osal toptaryn, kóp balaly otbasylardy, memlekettik qyzmetkerlerdi jáne basqa da sanattaǵy azamattardy turǵyn úımen qamtamasyz etý maqsatynda Qazaqstan Respýblıkasynyń Úkimeti birneshe baǵyt boıynsha turǵyn úımen qamtamasyz etý jónindegi memlekettik baǵdarlamalardy ázirlep, bekitti.
Alaıda, biz kórip otyrǵanymyzdaı, sheneýnikter ózderiniń qyzmettik ókilettikterin paıdalana otyryp, "Nurly jer" memlekettik baǵdarlamasy boıynsha turǵyn úı alýǵa "óz adamdaryn" zańsyz kezekke qoıady. Sondaı-aq jalǵa beriletin turǵyn úıge muqtaj emes adamdarǵa basymdyq bere otyryp, memlekettik turǵyn úıdi bóledi. Osyndaı is-áreketterdiń nátıjesinde úsh myńnan astam azamat muqtaj adamdar tizimine engizildi, osylaısha múgedekter, kópbalaly otbasylar jáne jumys isteıtin jastar sııaqty shynymen muqtaj adamdardyń quqyqtaryna nuqsan keltirdi.
Máselen, sońǵy úsh jyldyń ishinde "Nurly jer" memlekettik baǵdarlamasyn iske asyrý kezinde Qazaqstan Respýblıkasynyń óńirlerinde sheneýnikterdiń turǵyn úıdi zańsyz bergen 400-den astam fakti anyqtaldy, atap aıtqanda Qaraǵandy (128), Mańǵystaý (53), Batys Qazaqstan (38), Túrkistan (35), Pavlodar (30) oblystarynda, Almaty qalasynda (23), Shyǵys Qazaqstan (21), Jambyl (14), Aqmola (11), Soltústik (2), Qostanaı oblystarynda (11), Shymkent (11), Nur-Sultan (1), Almaty (15) qalalarynda.
"Turǵyn úı qatynastary týraly" Qazaqstan Respýblıkasy Zańynyń 71-babynyń 5-tarmaǵyna sáıkes aýdandardyń, oblystyq mańyzy bar qalalardyń, respýblıkalyq mańyzy bar qalalardyń, astananyń jergilikti atqarýshy organdary kommýnaldyq turǵyn úı qorynan turǵyn úıge muqtajdar esebinde turǵan Qazaqstan Respýblıkasy azamattarynyń tizimderine, onyń ishinde memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke qoıýdyń jáne kezektiliktiń elektrondyq bazasyn paıdalana otyryp, jyl saıyn túgendeý júrgizedi.
Alaıda, qalalar men oblystardyń ákimdikteri Zańnyń bul talabyn oryndamaıdy, úıge muqtaj 13 000-nan astam azamat áli kúnge tizimde tur: Shyǵys Qazaqstan - 4091, Qaraǵandy - 2540, Batys Qazaqstan - 1781, Mańǵystaý - 1606, Pavlodar - 1294, Nur-Sultan qalasy – 351, Qyzylorda - 348, Almaty qalasy - 254, Aqmola - 244, Soltústik Qazaqstan-64, Qostanaı - 51, Almaty - 18, Shymkent qalasy - 7.
Sondaı-aq, 13 óńirdiń ákimdikteri Zańnyń 74-babynyń erejelerinde belgilengen turǵyn úı berý kezektiligin, onyń ishinde jetim balalarǵa turǵyn úı berý sanynyń normatıvi boıynsha buzýshylyqtarǵa jol berdi.
Nátıjesinde halyqtyń áleýmettik osal toptarynan 2320 adamnyń, onyń ishinde 1206 jetim balanyń (Almaty - 766, Almaty q. - 619, Nur-Sultan q.- 314, Qostanaı - 223, Shymkent q. - 156, Batys Qazaqstan - 136, Aqmola - 34, Jambyl - 19, Túrkistan - 18, Soltústik Qazaqstan - 15, Qaraǵandy - 11, Qyzylorda-5, Atyraý - 4) turǵyn úı alý quqyǵyna óreskel nuqsan keltirilgen.
Turǵyn úı qatynastary salasyndaǵy keltirilgen jappaı buzýshylyqtar tek anyqtalǵan faktiler ǵana, al Qazaqstan Respýblıkasynda mundaı anyqtalmaǵan qansha fakt bar ekenin tek elestetei alamyz.
"Aq jol" partııasynyń saılaýaldy baǵdarlamasynda áleýmettik turǵyn úıdi ádil bólý máselesi kórinis tapqanyn atap ótkimiz keledi. Óıtkeni frakııaǵa turaqty negizde azamattardan turǵyn úıdi ádiletsiz bólýge, sondaı-aq turǵyn úı alýda kezektiliktiń aqyryn kelýi boıynsha shaǵymdar kelip túsýde.
Osyǵan baılanysty múddeli memlekettik organdar tarapynan osyndaı faktilerge jol bermeý úshin mynadaı sharalar qabyldaý qajet dep sanaımyz:
- osyndaı faktilerdi anyqtaý úshin sońǵy 5 jylda jergilikti atqarýshy organdar bergen áleýmettik turǵyn úıge muqııat tekserý júrgizý, zańsyz berilgeni anyqtalǵan jaǵdaıda turǵyn úıge shynymen muqtaj azamattarǵa turǵyn úıdi berý boıynsha shuǵyl sharalar qabyldaý;
- memlekettik baǵdarlama boıynsha turǵyn úı alý úshin kezekke zańsyz turý faktilerin anyqtaý boıynsha tekserý júrgizý, buzýshylyqtar anyqtalǵan jaǵdaıda mundaı tulǵalardy alyp tastaý boıynsha sharalar qabyldaý.
Sondaı-aq, turǵyn úı saıasatyn jergilikti atqarýshy organdardan "Otbasy bankke" berý týraly sheshimdi "Aq jol" depýtattyq frakııasy tolyq qoldaıtynyn jáne quptaıtynyn atap ótkimiz keledi.
Qurmetpen,
"Aq jol" frakııasynyń depýtattary
