Bekzat Sattarhanov atyndaǵy daryndy balalardyń sport mektebiniń jańa jobasy maquldandy, dep habarlaıdy «Adyrna» tilshisi qala ákimdiginiń baspasóz qyzmetine silteme jasap.
Túrkistan qalasynyń ortalyǵyndaǵy Sattarhanov dańǵylynyń boıynan boı kóteretin ǵımarat zaman talabyna saı, ári shahardyń jańarǵan kelbetine sáıkes bolady. 320 oryndyq sport kesheninde úlken zal men birneshe jattyǵý bólmeleri ornalasady.
Nysan qurylysy jaqyn ýaqytta bastalyp, keler jyly paıdalanýǵa berilmek. «Jelilik saıabaq» boıynda, burynǵy ornynan qaıta boı kóteretin záýlim keshenniń aınalasy tolyq abattandyrylyp, kógaldandyrylady.
Oblys ákimi Ómirzaq Shókeev jańa sport kesheniniń jobasymen tanysyp, maquldady.
«Adyrna» ulttyq portaly
