22 aqpanda Nur-Sultanda 50-60 shaqty áıel baspana máselesin kóterip, "Nur Otan" partııasynyń bas keńsesine jınaldy. Narazy áıelder baspanadan bólek, árbir balaǵa 42 500 teńgeden járdemaqy tóleýdi jáne ótkir másele kótergen áıelderdi qýdalamaýdy talap etti dep habarlaıdy «Adyrna» ulttyq portaly Azattyqqa silteme jasap.
– Keshe ǵana qaıǵyly oqıǵa qaıtalandy. Biz Jambyl jaqta bıliktiń balalaryn úıde qaldyryp ketken áıeldi kinálap jatqanyn estidik. Bul durys emes. Bala ólimi kóbeıip jatyr. Bul úkimetke berilgen eskertý. Bılik túsiner emes. Árbir balaǵa 10 myń teńgeden beredi. Ol eshnársege jetpeıdi... Ár balaǵa 42 500 teńgeden bersin. Sonda ana kóshege shyqpaıdy. Men de balalarymdy syrtynan jaýyp, tastap kettim. Mine, tabanymyzdy tozdyryp júrip, balalarymyzdan aıyrylyp qalyp jatyrmyz, – deıdi 8 balanyń anasy Jumaǵyz Kókeshova.
"Nur Otanǵa" kelgender járdemaqynyń mardymsyzdyǵyn, áleýmettik kómektiń azdyǵyn aıtty. Qymbatshylyqqa shaǵymdandy.
– Osy "Nur Otan" saılanar aldynda halyqtyń jaǵdaıyn jasaımyz dep ýáde berdi. Jańa jyldan keıin "járdemaqyny kóterdik" deıdi. Sondaǵy qosqany – 1,5-2 myń teńge ǵana. Sol aqshaǵa 1,5-2 lıtr sý maı alamyz. Ol birneshe kúnge ǵana jetedi. Qant, un, makaron qymbattap ketti. Unnyń 25 kılosy – 7 myń teńge. 23 teńge "artyq alǵany" úshin ataýly áleýmettik kómekten qaǵylyp júrgender bar. Bizdiń talabymyz – bizge ataýly áleýmettik kómek te kerek joq, bizge birinshi kezekte baspana jaǵdaıyn jasasyn. Ekinshiden, bala sanyna qaramaı árbir balaǵa 42 500 teńgeden bersin. Osydan eki jyl buryn bir úıdiń bes sábıi qaza boldy. Dál sondaı oqıǵa keshe Jańatas qalasynda boldy. Erteńgi kúni bizdiń balalarymyzdyń basynan osyndaı jaǵdaı ótpesine kim kepil bola alady? – dedi narazylardyń biri Asyl Oshaqbaeva.
Áıelder "Nur Otan" ǵımaratynyń ishinde "Depýtattar shyqsyn!", "Baspana!" dep aıqaılady. "Nur Otan" ókilderi bastapqyda olardy zalǵa kirýge shaqyrdy. Biraq ol jaqqa aqparat quraldary kirgizilmegendikten áıelder zalǵa kirýden bas tartty.
Narazylyq kezinde eki balanyń anasy Aınur Ómirzaqova astanalyq belsendilerdiń biri Ferýza Saparmen birge qaıǵyly oqıǵa bolǵan Jambyl oblysyna barmaq bolǵan kezde polıııanyń olardy joldan toqtatyp, Ferýza Sapardy ustap alyp ketkenin, áli kúnge deıin onymen habarlasa almaı otyrǵanyn aıtty. Ol áıelderdiń Ferýza Sapardy bosatyp, ótkir másele kótergen narazylardy qýdalamaýdy da talap etip otyrǵanyn jetkizdi.
– Meniń pikirimshe, olarǵa shyndyq aıtyp jatqanymyz unamaıdy. Biz qandaı satyǵa túsip ketkenimizdi, balalardyń jaıdan jaı ólip jatpaǵanyn, ekonomıkanyń quldyrap ketkenin aıtyp otyrmyz. Sony bılik moıyndamaı otyr. Osyǵan deıin qanshama adam qamaldy, – dedi Aınur Ómirzaqova.
Azattyq tilshisi buǵan baılanysty polıııadan jaýap alýǵa tyrysyp jatyr.
Tús kezinde narazy áıelderdiń aldyna partııanyń qalalyq bólimshesi tóraǵasynyń birinshi orynbasary Dáýlet Káribek shyqty.
–Kenesary kóshesinde qoǵamdyq qabyldaý bar. Sol jaqqa baryp, osy suraqtardyń barlyǵyn aıǵaı–shýsyz jazyp qaldyryńyzdar. Bizdiń quzyretimiz jetetin máseleni sol jerde sheshemiz, – dedi partııa ókili.
Biraq áıelder "jazbasha jaýaptan paıda joǵyn", buǵan deıin "jazǵan shaǵymdaryna jaýap kelmegenin" aıtyp, ashýlandy.
