22 aqpanda Nūr-Sūltanda 50-60 şaqty äiel baspana mäselesın köterıp, "Nūr Otan" partiiasynyŋ bas keŋsesıne jinaldy. Narazy äielder baspanadan bölek, ärbır balaǧa 42 500 teŋgeden järdemaqy töleudı jäne ötkır mäsele kötergen äielderdı qudalamaudy talap ettı dep habarlaidy «Adyrna» ūlttyq portaly Azattyqqa sılteme jasap.
– Keşe ǧana qaiǧyly oqiǧa qaitalandy. Bız Jambyl jaqta bilıktıŋ balalaryn üide qaldyryp ketken äieldı kınälap jatqanyn estıdık. Būl dūrys emes. Bala ölımı köbeiıp jatyr. Būl ükımetke berılgen eskertu. Bilık tüsıner emes. Ärbır balaǧa 10 myŋ teŋgeden beredı. Ol eşnärsege jetpeidı... Är balaǧa 42 500 teŋgeden bersın. Sonda ana köşege şyqpaidy. Men de balalarymdy syrtynan jauyp, tastap kettım. Mıne, tabanymyzdy tozdyryp jürıp, balalarymyzdan aiyrylyp qalyp jatyrmyz, – deidı 8 balanyŋ anasy Jūmaǧyz Kökeşova.
"Nūr Otanǧa" kelgender järdemaqynyŋ mardymsyzdyǧyn, äleumettık kömektıŋ azdyǧyn aitty. Qymbatşylyqqa şaǧymdandy.
– Osy "Nūr Otan" sailanar aldynda halyqtyŋ jaǧdaiyn jasaimyz dep uäde berdı. Jaŋa jyldan keiın "järdemaqyny köterdık" deidı. Sondaǧy qosqany – 1,5-2 myŋ teŋge ǧana. Sol aqşaǧa 1,5-2 litr su mai alamyz. Ol bırneşe künge ǧana jetedı. Qant, ūn, makaron qymbattap kettı. Ūnnyŋ 25 kilosy – 7 myŋ teŋge. 23 teŋge "artyq alǧany" üşın atauly äleumettık kömekten qaǧylyp jürgender bar. Bızdıŋ talabymyz – bızge atauly äleumettık kömek te kerek joq, bızge bırınşı kezekte baspana jaǧdaiyn jasasyn. Ekınşıden, bala sanyna qaramai ärbır balaǧa 42 500 teŋgeden bersın. Osydan ekı jyl būryn bır üidıŋ bes säbiı qaza boldy. Däl sondai oqiǧa keşe Jaŋatas qalasynda boldy. Erteŋgı künı bızdıŋ balalarymyzdyŋ basynan osyndai jaǧdai ötpesıne kım kepıl bola alady? – dedı narazylardyŋ bırı Asyl Oşaqbaeva.Äielder "Nūr Otan" ǧimaratynyŋ ışınde "Deputattar şyqsyn!", "Baspana!" dep aiqailady. "Nūr Otan" ökılderı bastapqyda olardy zalǧa kıruge şaqyrdy. Bıraq ol jaqqa aqparat qūraldary kırgızılmegendıkten äielder zalǧa kıruden bas tartty. Narazylyq kezınde ekı balanyŋ anasy Ainūr Ömırzaqova astanalyq belsendılerdıŋ bırı Feruza Saparmen bırge qaiǧyly oqiǧa bolǧan Jambyl oblysyna barmaq bolǧan kezde polisiianyŋ olardy joldan toqtatyp, Feruza Sapardy ūstap alyp ketkenın, älı künge deiın onymen habarlasa almai otyrǧanyn aitty. Ol äielderdıŋ Feruza Sapardy bosatyp, ötkır mäsele kötergen narazylardy qudalamaudy da talap etıp otyrǧanyn jetkızdı.
– Menıŋ pıkırımşe, olarǧa şyndyq aityp jatqanymyz ūnamaidy. Bız qandai satyǧa tüsıp ketkenımızdı, balalardyŋ jaidan jai ölıp jatpaǧanyn, ekonomikanyŋ qūldyrap ketkenın aityp otyrmyz. Sony bilık moiyndamai otyr. Osyǧan deiın qanşama adam qamaldy, – dedı Ainūr Ömırzaqova.Azattyq tılşısı būǧan bailanysty polisiiadan jauap aluǧa tyrysyp jatyr. Tüs kezınde narazy äielderdıŋ aldyna partiianyŋ qalalyq bölımşesı töraǧasynyŋ bırınşı orynbasary Däulet Kärıbek şyqty. –Kenesary köşesınde qoǧamdyq qabyldau bar. Sol jaqqa baryp, osy sūraqtardyŋ barlyǧyn aiǧai–şusyz jazyp qaldyryŋyzdar. Bızdıŋ qūzyretımız jetetın mäselenı sol jerde şeşemız, – dedı partiia ökılı. Bıraq äielder "jazbaşa jauaptan paida joǧyn", būǧan deiın "jazǧan şaǧymdaryna jauap kelmegenın" aityp, aşulandy.
