Koronavırýs: Endi birden eki maska taǵý mindetteldi

1518
Adyrna.kz Telegram

Chehııa turǵyndaryna eki medıınalyq maska taǵyp júrý mindetteldi - dep habarlaıdy "Adyrna" ulttyq portaly jergilikti Expats.cz saıtyna silteme jasap.

Chehııanyń densaýlyq saqtaý mınıstri Ian Blatny halyqqa qoǵamdyq kólikterde jáne aýrýhanalarda FFP2 respıratorlaryn taǵý mindetti ekenin jetkizdi.

ChR bıligi bul sheshimdi eldegi koronavırýs jaǵdaıynyń nasharlaýyna jáne ulybrıtanııalyq shtamnyń taraýyna baılanysty qabyldady.

"Sońǵy birneshe kúnde Chehııada COVID-19 jaǵdaıy odan ári nasharlady. Sondyqtan adamdar kóp shoǵyrlanatyn qoǵamdyq oryndarda turǵyndar FFP2 tıpti respıratordy nemese birden eki hırýrgııalyq maskany taǵýy kerek. Mata bepterdeler endi qorǵanys quraly sanalmaıdy", - dedi mınıstr.

Sondaı-aq, ónerkásip jáne saýda mınıstri Karel Gavlıchek Chehııa úkimeti barlyq bólshek saýda dúkenine jumysyn qaıta bastaýǵa ruqsat bermegenin, óıtkeni eldegi koronavırýs jaǵdaıy turaqsyz ekenin málimdedi. Áleýmettik qashyqtyq qatań saqtalatyn keı dúkender ǵana ashyq.

Pikirler