Jalpy Ulttyq kod degen nárse ne dep tolǵanyp júrdim. Bir nárse túsiniksiz. Ne nárse? Kod degen – qupııa. Sonda qandaı qupııa?
Bir qyzyǵy bizdiń ulttyq kodymyzdy "kod" sózi ǵana buǵattap, qupııalap tur. Biz ony ne úshin qupııalap júrmiz?
Búginge deıin "arýaq, kıe, nur, rýhanııat" uǵymy – ulttyń ortaq tanym-túsinigin qalyptastyryp turdy ma? Iá, sóz joq, jalpy ulttyq energetıkalyq-aqparattyq óris qalyptastyrdy. Ol kádimgideı jumys jasady..
Sondyqtan arýaq ulttyq kodymyz.
Bir qyzyǵy ulttyq kod izdep júrip zertteıtindeı tym umyt qalǵan dúnıe emes. Tek ol kodtty biz óz sanamyzdan óshirip aldyq. Sosyn onyń egregorlyq órisin sezbeı turmyz. Arýaq uǵymynyń egregorlyq matrıasy, onyń qurylymy kóne jádigerler men muralarda tolyp tur. Tek ashý kerek. Qaraý kerek. Oqý kerek. Seziný kerek.
Álemniń egregorlyq qurylymyn Shədi Tóre Jəńgiruly bylaı dep sıpattaıdy.
Əlemnen on segiz myń əýel buryn
Jaratty Paıǵambardyń Alla "Nuryn".
"Áýýalý maa halakallahý nýrı" degen
Haqynda dalel boldy hadıs munyń!
Aspan-jer, arshy-kúrsi, laýhýl-qalam
Jaraldy osy Nurdan bəri tamam.
Sol jaýhar álemine kirip, sýsyndaı bilgen Məshhúr Júsip Kópeıulyda bul egregordy aıdan alǵan joq.
Əýel basta bolmaǵy Nurdan eken,
Nur bolyp munyń bəri turǵan eken.
“Kimnen seni jasaımyn?!” – degeninde,
"Nur" yqtııar topyraqty qylǵan eken.
Kim biler əýel aqyr haqtyń syryn,
Nərse joq bir ózinen basqa buryn.
Ǵalamǵa ózin zahyr qylmaq úshin,
Jaratty Muhammedtiń əýel Nuryn....
Bul máselelerge qatysty tarıh derekterdi salyp taýysý múmkin emes.
Áset BEKTUR,
"Adyrna" ulttyq portaly
