Bokstan Olımpıada chempıony, Almaty máslıhatynyń depýtaty Ermahan Ibraımov jýrnalıst Nartaı Aralbaıulyna bergen suhbatynda eldegi járdemaqylar men kóp balaly otbasylardyń jaǵdaıy týraly pikir bildirdi, dep habarlaıdy «Adyrna» tilshisi.
«Nur Otan partııasynyń óz baǵdarlamasy bar, biz de osy baǵdarlama boıynsha áreket etemiz. Táýelsizdikke qol jetkizgenimizge 30 jyl boldy. Qazir jaǵdaıymyz jaqsy, jumysymyz bar», — deıdi Ybyraıymov.
Intervıýer suhbat barysynda Qazaqstandaǵy eń tómengi jalaqy –42 500 teńge, eń tómengi kúnkóris —deńgeıi 34 302 teńge, kedeılik shegi — 24 011 teńge ekenin atap ótti.
«42 myń teńgege eshkimniń kúni qarap turǵan joq dep oılaımyn. Jumys istegisi keletinder árqashan jol tabady. Meniń oıymsha, keıbir qazaqstandyqtar ózderiniń kedeıligine kináli», - dep tolyqtyrdy máslıhat depýtaty.
Sportshy Jambyl oblysynda bolǵan qaıǵyly oqıǵa týraly da sóz qozǵady.
«Shynyna kelgende, bul – óte ókinishti. Búkil Qazaqstan dúr silkindi. Eń bolmasa, kórshige tapsyryp ket, biraq 5 balany túnde qaldyryp ketý degen durys emes. Bes balany syrtynan jaýyp, ketip qalý – naǵyz túk kórmegendik»,-dedi ol.
«Adyrna» ulttyq portaly
