Memleket basshysy ıfrlyq damý, ınnovaııalar jáne aeroǵarysh ónerkásibi mınıstri Baǵdat Mýsındi qabyldady, dep habarlaıdy «Adyrna» tilshisi Aqordaǵa silteme jasap.
Qasym-Jomart Toqaevqa mınıstrliktiń 2020 jyldyń qorytyndysy boıynsha atqarǵan jumystary, ıfrlandyrýdyń damý perspektıvalary, sondaı-aq, ınternet baılanysyna, sonyń ishinde, Prezıdenttiń halyqqa Joldaýyndaǵy aýyldyq jerlerde qol jetimdilikti arttyrýǵa baǵyttalǵan tapsyrmalarynyń oryndalý barysy týraly esep berildi.
Mınıstr Memleket basshysyna baılanys sapasynyń talaptary bekitilgeni jóninde baıandady. Endi 3G/4G jelileri úshin sapanyń tómengi shegi anyqtaldy. Buǵan deıin baılanys sapasynyń tómengi shegi reglamenttelmegen bolatyn.
Sonymen qatar radıotolqyndardy aýkıon formatynda anyqtaý jónindegi zańnamaǵa engiziletin ózgerister ázirlendi. Bul 5G jelisine kóshýde mańyzdy ról atqarady. Sondaı-aq engiziletin ózgeristerge sáıkes baılanys sapasynyń parametrlerin buzǵany úshin salynatyn aıyppul kólemi 1000 AEK bolmaq.
Prezıdentke memlekettik qyzmet kórsetýdiń qol jetimdiligin qamtamasyz etý úshin qabyldanǵan sharalar týraly baıandaldy.
Mınıstr eGov mobile mobıldi qosymshasyna bıometrııalyq sáıkestendirý júıesin engizý jaıynda aıtty. Bul halyqtyń memlekettik qyzmet kórsetý júıesine tirkelip, qyzmet alý ýaqytyn edáýir qysqartýǵa múmkindik beredi. Qasym-Jomart Toqaev atalǵan qosymsha arqyly memlekettik qyzmet kórsetý jumystaryn tezdetýdi tapsyrdy.
Prezıdentke «Halyq únine qulaq asatyn memleket» tujyrymdamasyn júzege asyrý aıasynda qolǵa alynǵan e-aryz-shaǵymdar qyzmet júıesi tanystyryldy. Bul azamattardyń kompıýter túımesin birneshe márte basý arqyly ótinish-shaǵymdaryn berýine jáne jedel túrde memlekettik organdardan jaýap alýyna múmkindik beredi. Memleket basshysy osyndaı qyzmettiń qurylýyna qoldaý bildirip, ony tıimdi engizýge tapsyrma berdi.
Sonymen qatar Baǵdat Mýsın Qasym-Jomart Toqaevqa «Azamattarǵa arnalǵan Úkimet» memlekettik korporaııasynyń jumysy, onyń ishinde, búkil elimiz boıynsha halyqqa qyzmet kórsetetin 115 ortalyqty jańǵyrtý jospary týraly aıtty. Osyǵan baılanysty memlekettik korporaııanyń kadrlyq áleýetin arttyrý máselesi óte mańyzdy bolmaq.
Qasym-Jomart Toqaevqa basshylyq qyzmetterge úmitkerlerdi, sonyń ishinde, Halyqqa qyzmet kórsetý ortalyqtarynyń jetekshilerin iriktegende prezıdenttik jastar kadrlyq rezerviniń tájirıbesin paıdalanatyny jóninde málimet berildi. Memleket basshysy bul ıdeıany qoldap, irikteý úderisiniń barynsha ashyq bolýyn qamtamasyz etýdiń mańyzdylyǵyna nazar aýdardy. Bul jumystar Memlekettik qyzmet isteri agenttigimen birlese atqarylady.
Baǵdat Mýsın Qasym-Jomart Toqaevqa «ıfrlyq Qazaqstan» ulttyq jobasynyń transformaııalaný úderisi týraly baıandady. Onda memlekettiń azamattarmen ózara yqpaldastyǵyna, halyqtyń máselelerin sheshýge baılanysty barlyq tynys-tirshilikti esepke alýǵa basa mán beriledi.
Budan bólek mınıstr Memleket basshysyna qazaqstandyq «KazSat» baılanys seriginiń júıesin damytý jóninde baıandady. Atap aıtqanda ınnovaııalyq sheshimderdiń paıdasy úshin, sonyń ishinde baılanys serikteriniń jańa túrleriniń shyǵýymen baılanysty «KazSat-2R» jobasyn toqtatý týraly sheshim qabyldandy. Bul bıýdjettiń mıllıardtaǵan teńge qarjysyn únemdeýge múmkindik beredi.
«Adyrna» ulttyq portaly
