Túrkistan oblysynda kámeletke tolmaǵan balalardy qaǵyp, oqıǵa ornynan qashyp ketken kúdikti ustaldy, dep habarlaıdy «Adyrna» tilshisi Polisia.kz-ke silteme jasap.
Kúni keshe áleýmettik jeli arqyly 14 aqpanda Túrkistan oblysy Jetisaı aýdanynda jasy kámeletke tolmaǵan balalardyń qatysýymen jol-kólik oqıǵasy oryn alyp, oǵan kináli kúdiktiniń izdestirilip jatqany týraly aqpar taratylǵan bolatyn. Búgin jergilikti polıııa qyzmetkerleriniń tııanaqty jumysynyń nátıjesinde kúdikti ustaldy.
Naqtyraq aıtar bolsaq, 14 aqpanda Jetisaı aýdandyq polıııa bólimine aýrýhanadan túrli dene jaraqattarymen úsh birdeı kámelet jasyna tolmaǵan balalardyń jetkizilgeni týraly habarlama kelip túsken. Oqıǵa ornyna jedel jetken polıeıler sol kúni keshki saǵat 17:50 shamasynda Jetisaı qalasyndaǵy S.Erýbaev kóshesi boıynda belgisiz avtokólik ońtústikten soltústik baǵytyna qaraı júrip bara jatyp, úsh jasóspirim balany soǵyp ketip, jol-kólik oqıǵasyn jasaǵanyn anyqtady.
Jol-kólik oqıǵasy saldarynan úsh bala da aýrýhanaǵa jetkizildi. Iaǵnı 16 jáne 13 jas shamasyndaǵy balalar túrli dene jaraqattarymen emhanada em qabyldasa, nebary tórt jastaǵy búldirshin aýyr dene jaraqatynyń saldarynan jansaqtaý bólimine túsip, kóz jumdy.
Atalǵan jaıt Jetisaı aýdandyq polıııa bóliminde eki birdeı bappen, QR QK-niń 345-baby (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) jáne kúdiktiniń oqıǵa ornyn tastap ketkeni úshin QR QK-niń 347-baby (Jol-kólik oqıǵasy bolǵan jerden ketip qalý) boıynsha sotqa deıingi tergep-tekserýdiń biryńǵaı tizilimine tirkeldi.
Bul qylmysty jedel ashý maqsatynda aýdan polıeıleri kúdiktini anyqtaýǵa qatysty jedel izdestirý jumystaryn júrgizdi. Oqıǵa ornyn tııanaqty teksergen tártip saqshylary sol orynnan belgisiz avtokóliktiń artqy jaryq shamdarynyń synyqtary men aına synyqtaryn aldy. Bul zattardyń “Aýdı-100” markaly avtokóligine tıesili jáne kóliktiń túsi sur-qara (mokryı asfalt) bolýy yqtımal dep boljanyp, izdestirilý jumystary joǵary deńgeıde atqaryldy. Nátıjesinde oqıǵaǵa qatysty kúdikti retinde jasy qyryq shamasyndaǵy Jetisaı qalasynyń jergilikti turǵyny quryqtaldy. Polıeılerdiń kólikke qatysty jasaǵan boljamy da rastalyp, kúdiktiniń “Aýdı 100” markaly avtokóligi bar ekeni anyqtaldy.
Qazirgi ýaqytta ustalǵan azamat qamaýda, tergeý amaldary júrgizilýde. Al kólik aıypturaqqa qoıyldy. Saraptamalar taǵaıyndaldy.
«Adyrna» ulttyq portaly
