Naýryz meıramyn 10 kún toılaý týraly usynys qaraldy, dep habarlaıdy “Adyrna” ulttyq portaly.
Qujatqa sáıkes, Naýryz meıramy 14-23 naýryz aralyǵynda atap ótiledi:
14 naýryz – «Kórisý kúni»
15 naýryz – «Jaılaý kúni»
16 naýryz – «Shejire kúni»
17 naýryz – «Tarıhqa taǵzym kúni»
18 naýryz – «Igi ister kúni»
19 naýryz – «Shymyrlyq pen sheberlik kúni»
20 naýryz – «Zııatkerlik kúni»
21 naýryz – «Ulttyq taǵamdar kúni»
22 naýryz – «Ulystyń uly kúni»
23 naýryz – «Joralǵy kúni»
«Qazaqstan Respýblıkasynyń Prezıdenti Qasym-Jomart Toqaev «Táýelsizdik bárinen qymbat» maqalasynda Naýryz meıramyn toılaý tujyrymdamasyn ázirlep, kóktem merekesiniń mazmunyn baıytýdy tapsyrdy. (...) Naýryz meıramynyń negizgi maqsaty - Qazaqstan jerinde beıbitshilik pen dostyqty nyǵaıtý, ulttyq biregeılikti saqtaý, otbasylyq qundylyqtardy dáripteý, qorshaǵan ortaǵa uqypty qaraýdy qalyptastyrý», – delingen qujatta.
Konepııaǵa sáıkes meıramnyń mindetteri mynadaı:
Jalpyqazaqstandyq rýhanı qundylyqtardy nyǵaıtatyn qazaq halqynyń salt-dástúrlerin jańǵyrtý, yntymaq-birlikti arttyrý;
meıram kezinde ár adam otbasyna, ata-anasyna baryp, hal-jaǵdaı surasý arqyly otbasy ınstıtýtyn kúsheıtý;
azamattyq beıbitshilikti saqtaý, áleýmettik áriptestikti jáne qaıyrymdylyq jasaý mádenıetin damytý;
etnosaralyq qatynastar mádenıetin damytý, qoǵamdaǵy dostyq pen senimdi nyǵaıtý;
Qazaqstan tabıǵatynyń biregeıligin, tabıǵatqa uqypty qaraýdy uǵyný, ekologııalyq mádenıetti jáne eldi mekenderdiń aýmaqtaryn abattandyrý boıynsha qoǵamdyq bastamalardy damytý.
«Rýhanı jańǵyrý» baǵdarlamasynyń ıdeıalyq qundylyqtaryn iske asyrý mán mátininde Ulystyń uly kúni – Naýryz meıramyn atap ótýdiń máni joǵary. Naýryz – úılesimniń, bereke men birliktiń meıramy. Bul ulttyq biregeılikti saqtaý, pragmatızmdi qalyptastyrý, sananyń ashyqtyǵyn arttyrý turǵysynan mańyzdy meıram» – delingen tujyrymdamada.
Eske salaıyq, 2020 jyldyń aqpanynda «Rýhanı jańǵyrý» qazaqstandyq qoǵamdyq damý ınstıtýty janyndaǵy «Rýhanı jańǵyrý» ortalyǵynyń jetekshisi Janar Buqanova Qazaqstanda Naýryz meıramyn toǵyz kún atap ótý usynylǵanyn aıtqan bolatyn.
