Pavlodarlyq jedel ýákilder 2018 jyly kisi óltirgen kúdiktini quryqtady, dep habarlaıdy «Adyrna» tilshisi Polisia.kz-ke silteme jasap.
–10 aqpanda “Anti-Fraud” jáne “Barer” jedel-aldyn alý is-sharalaryn ótkizý barysynda Pavlodar qalasynda jedel ýákilder kisi óltirgeni úshin izdeýde júrgen 39 jastaǵy er adamdy ustady. Er adam 2018 jyldyń 25 maýsymynda saǵat 03.25 shamasynda Aqsý qalasynyń dámhanalarynyń birinde óziniń tanysymen birge Aqsý qalasynyń turǵynyn uryp-soǵyp, sodan keıin ony “Lenınsk-Kýrchatov” avtojolynyń boıyndaǵy orman beldeýine aparyp óltirgen. Onyń sybaılasy osy qylmysy úshin 18 jylǵa bas bostandyǵynan aıyrylǵan, – dedi Pavlodar oblysy Polıııa departamentiniń bastyǵy Nurlan Másimov.
Polıııa qyzmetkerleri kúdiktiniń asa aýyr qylmys jasaǵannan keıin jazadan qutylý maqsatynda tergeý organdarynan jasyrynǵanyn jáne oǵan halyqaralyq izdeý jarııalanǵanyn atap ótti.
Qazirgi tańda Qazaqstan Respýblıkasy QK-niń 99-babynyń 2-bóligi (Adam óltirý) boıynsha sotqa deıingi tergeý júrgizilýde. Ustalǵan azamat Pavlodar qalasynyń ýaqytsha ustaý ızolıatoryna qamaldy.
«Adyrna» ulttyq portaly
