Osy jyldyŋ 1 aqpanynan bastap Qazaqstanda koronavirusqa qarsy vaksinasiia bastalǧany belgılı. Taldyqorǧannyŋ №2 emhanasynda vaksinany aludan būryn adamdar därıgerlerden tekserıluı jäne öz densaulyǧynyŋ jai-küiı turaly barlyǧyn mūqiiat bıluge tiıs, dep jazady «Adyrna» ūlttyq portaly Ratel.kz-ke sılteme jasap.
Klinika bas därıgerınıŋ orynbasary İndira Jaŋabekova tüsındırgendei, qazırgı uaqytta olar qauıptı emdeu mekemelerınıŋ qyzmetkerlerın vaksinasiialaidy. İndiranyŋ aituynşa, vaksinasiiadan būryn olar qarsy körsetkışterdı anyqtau üşın ärıptesterınen mūqiiat sūhbat alady. Därıgerler keide öz densaulyǧyna nemqūraily qaraidy deidı.
- Sız özıŋızdıŋ barlyq qarsy körsetkışterıŋızdı bıluıŋız kerek, densaulyǧyŋyz turaly mälımet bolmasa, egu keŋsesıne keludıŋ qajetı joq. Därıgerler öz densaulyǧynan habardar. Sol sebeptı de olarǧa osy jerde ekpe jasaimyz. Al öz densaulyǧynan habarsyz adamǧa ekpe jasamaimyz. Mysaly, taiauda tūrmystaǧy kelınşek ekpe jasatpaq boldy. Älı balalary joq ol kelınşekke qalai ekpe jasauǧa bolady? Mümkın ol ekpe alu kezınde jüktı şyǧar? Älgı kelınşek ekpe jasatqysy keldı. Alaida bız bas tarttyq. Endı bır adam V gepatitıne qarsy ekpe alǧan. Al bızde naqty aitylǧan: basqa vaksinalardy alǧannan keiın kemınde tört apta ötpei, kovid ekpesın saluǧa bolmaidy. Būl adamǧa da ekpe saludan bız uaqytşa bas tarttyq, - dep tüsındırdı İndira Jaŋabekova.
Jaŋabekovanyŋ aituynşa, vaksinasiia erıktı türde jüredı jäne därıgerlerdı eşkım mäjbürlemeidı. Esterıŋızge sala keteiık, ötken aptada däl №2 emhanada vaksina alǧan bır medbike auyryp qaldy. Oǧan jedel järdem şaqyryldy. Keiın zardap şekken medbike äleumettık jelıde video jariialady, onda ol jai qorqyp, qazır özın jaqsy sezınetının jäne kelesı egudı kütetının aitty. Kelesı ekpenı üş aptadan keiın alu kerek ekenı belgılı.
Ūqsas jaŋalyqtar
