Shyǵys Qazaqstan oblysynda 1979 jyly dúnıege kelgen er adam qar kóshkininen qaza tapty, dep habarlaıdy «Adyrna» tilshisi TJM-ǵa silteme jasap.
2021 jylǵy 10 aqpanda Oblys ortalyǵynan kelgen alty saıahatshy Rıdder qalasynda Úlbi ózeniniń mańaıyndaǵy Serjıha taýynda qarda syrǵanap júrgen. Kenetten taýdan kóshkin júrip ketkendikten demalýshylardyń birin qar basyp qalǵan.
«Dereý kómekke ShQO TJD Jedel qutqarý jasaǵynyń qutqarýshylar toby kınologııalyq eseppen birge Evrokopter-145 tikushaǵymen shyqty, quramynda 5 adam bar ekinshi top jol talǵamaıtyn kólikpen Óskemennen shyqty, oǵan qosa Rıdder qalasynan qutqarýshylar men 4 volonter qarda júrgishpen qosymsha jumyldyryldy», - dedi Qazaqstan Respýblıkasy Tótenshe jaǵdaılar mınıstrliginiń resmı ókili Talǵat Ýálı.
16.23 saǵatta tikushaq kúnniń bultty bolýy men kózge túrtkisiz tútek borannan qonýyna májbúr bolǵan. Osy ýaqytta saıahatshylar baılanysqa shyǵyp jáne zardap shekkenge deıin jetip, qar astynda qalǵan 1979 jyly týǵan erkektiń denesin alyp shyqqanyn habarlady.
Saıahatshylar turǵan oryndarynyń naqty koordınattaryn berip, ol jerge qutqarýshylar men volonterlar qarda júretin tehnıkamen jetken.
Búgin 8 volonter, 2 qutqarýshy jáne 1 krımınallyq polıııa sarapshydan turatyn top, sonymen qatar 3 saıahatshy qaza bolǵan adamnyń denesin túsirý úshin taýǵa ketti.
«Adyrna» ulttyq portaly
