Qyz zorlaǵan eks-prokýror men bank menedjerine qatysty sot úkimi shyqty

1920
Adyrna.kz Telegram

Boıjetkendi úıine shaqyryp, zorlaǵan eks-prokýror men bank menedjerine qatysty sottyń sheshimi shyqty.

Búgin memlekettik aıyptaýshy Almatydaǵy Bostandyq aýdandyq sotynda Tımýr Tilembaev pen banktiń burynǵy top-menedjeri Qanat Álıquldyń qylmys jasaǵan kezde mas bolǵany eskerilip, jazanyń kúsheıtilgenin jáne istiń tolyqtaı dáleldengenin jetkizdi. Endi olardyń árqaısysy jábirlenýshi tarapqa bir jarym mıllıon teńgeden berýi tıis. Bul týraly "Adyrna" ulttyq portaly Eýrazııa birinshi arnasyna silteme jasap habarlaıdy.

Temirjan QUDABAEV, №2 Bostandyq aýdandyq sotynyń Sýdıasy:

«Sot qylmystyq-proessýaldyq kodeks baptarynyń negizinde mynadaı sheshim qabyldady. Qanat Álıqul men Tımýr Tilembaev kináli dep tanylyp, árqaısysy 8 jylǵa bas bostandyǵynan aıyrylady. Ekeýi de jazasyn ortasha qaýipsizdik mekemesinde óteıdi».

Qylmystyq is bastalǵaly alty aı boıy úıqamaqta otyrǵan prokýror otyrys aıaqtalǵannan keıin birden qamaýǵa alynbaq. Jáne olardyń 15 kún ishinde appelııaııalyq sotqa shaǵymdanýyna bolady.

Esterińizge sala keteıik osydan alty aı buryn 2019 jyly bank qyzmetkeriniń úıine qonaqqa barǵan qyzdy burynǵy prokýror ekeýi kúshtep zorlaǵan. Qashyp shyqqan jábirlenýshi osydan keıin birden quqyq qorǵaý oryndaryna júgingen edi. Alaıda, advokat tártip saqshylary kúdiktilerge kómek kórsetip qorlyq kórgen qyzdyń meken-jaıyn bergen.

Osydan keıin onyń úıine kelip qorqytqany týraly habarlaǵan bolatyn. Bul fakt boıynsha tergeý júrgizilip, merziminiń ótkenine baılanysty is jabylypty. Al, qorǵaýshy zorlyq ýaqytynyń bolǵanyna nebári bir jyl ǵana ótkenin jetkizdi.

 

Pikirler