Batys Qazaqstan oblysynda oquşylar men mūǧalımder arasynda koronavirus jūqtyru sany köbeidı, dep habarlaidy "Adyrna" ūlttyq portaly QazAqparatqa sılteme jasap.
BQO sanitarlyq-epidemiologiialyq baqylau departamentınıŋ basşysy Mūhamǧali Aryspaevtyŋ mälım etkenındei, soŋǧy aptada 42 oquşy, 16 mūǧalımnen ındet tabyldy. Onyŋ sözıne qaraǧanda, oqu jyly bastalǧannan berı 365 oquşy auyrsa, sonyŋ 173-ı dästürlı türde, 192-sı qaşyqtan bılım alǧan. Al üşınşı toqsanda 11 qaŋtardan bastap syrqattanǧan 151 şäkırttıŋ 75-ı dästürlı türde, 76-sy qaşyqtan oqidy.
Qala men audandardyŋ bas memlekettık sanitar därıgerlerınıŋ qaulysyna säikes 31 mektepte 45 synyp karantinge jabyldy. Sondai-aq, tört mektep tolyqtai jabylǧan.
«Bız 8 aqpannan bastap qaulyǧa özgerıster engızdık. Būryn ındet şyqqan synyp qana karantinge jabylatyn. Būdan bylai bır oquşy nemese mūǧalımnen koronavirus anyqtalǧan jaǧdaida sol mektep tügeldei inkubasiialyq kezeŋ aiaqtalǧanǧa deiın, iaǧni 14 künge karantinge jabylady», - dedı öŋırdıŋ bas memlekettık sanitar därıgerı M.Aryspaev.Oblysta 1 qaŋtardan berı 2 480 adam auyrsa, sonyŋ 1837-sı qaŋtarda, 643-ı aqpanda tırkelgen. Soŋǧy aptada auruşaŋdyq deŋgeiı 5,6 paiyzǧa tömendegenımen, ahual älı de tūraqsyz bolyp otyr. Aqpan aiynda koronavirus jūqtyrǧandardyŋ 202-sı nemese 31,4 paiyzy – jūmys ısteitın adamdar, 177-sı (27,5 paiyzy) – zeinetkerler, 144-ı (22,3 paiyzy) – jūmyssyzdar, 42-sı (6,5 paiyzy) – oquşylar, 24-ı (3,7 paiyzy) – medisina qyzmetkerler. Indet jūqtyrǧandar arasynda memlekettık qyzmetşıler de bar. Aitalyq, oblystyq qūrylys basqarmasynda osyndai jaǧdai tırkeldı. «Oral qalasy, sonymen qatar Bäiterek, Börlı, Aqjaiyq, Tasqala jäne Şyŋǧyrlau audandary älı de «qyzyl» aimaqta tūr. Sondyqtan karantin talaptaryn qataŋ saqtau kerektıgın ūmytuǧa bolmaidy», - dedı departament basşysy.
