2021 jylǵy 7 aqpandaǵy demalys kúni Aqmola, Shyǵys Qazaqstan, Qaraǵandy, Soltústik Qazaqstan oblystaryndaǵy oblystyq jáne respýblıkalyq mańyzy bar avtojoldarda qar qursaýynan 72 adam qutqarylyp, 27 jeńil avtokólik shyǵaryldy. Bul týraly QR TJM resmı ókili Talǵat Ýálı málimdedi, dep habarlaıdy «Adyrna» tilshisi.
«Avarııalyq-qutqarý jumystaryn júrgizýge TJ departamentteriniń, jergilikti atqarýshy organdardyń, jol qyzmetteriniń kúshteri men quraldary jumyldyryldy. Sonymen qatar, Soltústik Qazaqstan oblysynyń Qyzyljar aýdanynda TJD kúshimen Shahovskoe aýylynan 1994 jylǵy júkti áıel jedel járdem kóligine jetkizildi»,-delingen habarlamada.
Aıta keteıik, aýa-raıynyń nasharlaýyna baılanysty (kóktaıǵaq, qar aralas jańbyr, tómen qarly boran, kórý múmkindigi shekteýli) 6 aqpannan bastap elimizdiń segiz óńirinde avtojoldar jabylǵan bolatyn.
«Adyrna» ulttyq portaly
