Pavlodarlyq polıeıler 13 jyldan beri balasyna alıment tóleýden jaltarǵan qala turǵynyn ustady, dep habarlaıdy «Adyrna» tilshisi Polisia.kz-ke silteme jasap.
Alıment tóleý boıynsha mindettemelerdi oryndamaý máselesi bizdiń elimizde tek otbasylyq másele emes, sondaı-aq memlekettik problema da bolyp tabylady. Sot sheshimderine qaramastan, alıment tóleýden jaltarǵan jaýapsyz azamattardyń alıment boıynsha qaryzdary jyl saıyn artyp keledi, al keıbireýleri aıtarlyqtaı somaǵa jetken.
Pavlodar oblysy Polıııa departamenti bastyǵynyń birinshi orynbasary Jasqaırat Qaıyrov 2021 jyldyń basynan beri óńir aýmaǵynda osyndaı bes fakt tirkelgenin aıtty.
– Mysaly, kámeletke tolmaǵan balasyn asyraýǵa qarajat tóleý túrindegi sot sheshimin 13 jyl boıy oryndamaǵan Pavlodar qalasynyń turǵyny anyqtaldy. Qazirgi ýaqytta atalǵan fakt boıynsha Qazaqstan Respýblıkasy Qylmystyq kodeksiniń 139-baby (Balalaryn kútip-baǵýǵa arnalǵan qarajatty tóleý jónindegi mindetterdi oryndamaý, eńbekke qabiletsiz ata-analaryn, eńbekke qabiletsiz jubaıyn (zaıybyn) kútip-baǵýǵa arnalǵan qarajatty tóleýden jaltarý) boıynsha sotqa deıingi tergeý júrgizilýde, – dep habarlady Jasqaırat Qaıyrov.
«Adyrna» ulttyq portaly
