13 aqpannan bastap elimizdiń azamattaryna kólikti tıisti qujattardy alyp júrmeı-aq, tek jeke kýálikpen júrgizýine bolady. Bul týraly IIM basshysy Erlan Turǵymbaev Facebook jelisinde jazdy, dep habarlaıdy «Adyrna» tilshisi.
«Memleket basshysy "Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrýlar engizý týraly" Zańǵa qol qoıdy.
2019 jylǵy jeltoqsanda el Prezıdenti Qasym-Jomart Kemeluly Toqaev júrgizýshi qujattaryn aqparattyq júıeler arqyly tekserý, júrgizýshilerge qujattardyń qaǵaz nusqalaryn ózimen birge alyp júrmeýge múmkindik berý týraly máseleni kóterip, IIM-ne zańnamalyq aktilerge ózgerister men tolyqtyrýlar engizýdi tapsyrdy.
Jańa zań aǵymdaǵy jyldyń 13 aqpanynan bastap kúshine enedi.
Buryn Qazaqstanda júrgizýshi qujattarynyń biriniń joqtyǵy úshin eskertý (eger alǵash ret bolsa) nemese 5 AEK úaıyppul qarastyrylǵan bolatyn.
Endi júrgizýshilerge kólikti júrgizgen kezde ózimen birge tek bir ǵana qujat - jeke basyn kýálandyratyn kýálikti alyp júrý jetkilikti.
Qazaqstanda berilgen júrgizýshi kýáligin, kólik quralyn tirkeý kýáligin, saqtandyrý polısin, sondaı-aq tehnıkalyq baıqaýdan ótkenin rastaıtyn qujatty polıeı planshet arqyly tekseredi. Al Internet jelisine qoljetimdilik joq eldi mekenderde jáne tas joldarda tekserý radıobaılanys arnalary arqyly júzege asyrylatyn bolady.
Jańa normalardyń qazaqstandyq júrgizýshi kýáligi joq sheteldikterge jáne Qazaqstanda tirkelmegen kólik basqarýshylaryna qatysy joq.
Avtokólikti júrgizýshi qujattarynsyz basqarýdyń osyndaı múmkindigi Grýzııa, Ýkraına, Polsha, Latvııa, Lıtva sııaqty memleketterde bar, ol elderde de ulttyq zańnamaǵa tıisti ózgerister engizilgen.
Júrgizýshilerdiń qujattaryn ózimen birge alyp júrý jáne júrgizýshi qujattaryn usyný mindetin alyp tastaý - bul zamanaýı tehnologııalyq "servıstik" polıııany damytýǵa baǵyttalǵan taǵy bir qadam.
Memleket kólikti basqarýdy edáýir jeńildetti, biraq júrgizýshiler basqa jol qozǵalysyna qatysýshylardyń qaýipsizdigi úshin jaýapkershilikti este ustaýy kerek.
Osy múmkindikti paıdalana otyryp, júrgizýshilerdi de, jaıaý júrginshilerdi de jol júrisi erejeleri men kólik júrgizý mádenıetin múltiksiz saqtaýǵa shaqyrǵym keledi»,-dedi ol.
«Adyrna» ulttyq portaly
