Mınıstr qazaq tilin bilmegeni úshin synǵa qaldy (vıdeo)

2862
Adyrna.kz Telegram

Májilis otyrysynda depýtat Berik Dúısenbınov orys tilinde baıandama jasaǵan Ulttyq ekonomıka mınıstri Áset Irǵalıevqa eskertý jasady, dep habarlaıdy «Adyrna» tilshisi.

«Qurmetti Áset Armanuly! Búgin alǵashqy ret 30 jyldyq táýelsizdigi bar memlekettiń Májilisine kelip tursyz. Siz qazaqsha qoıylǵan suraqtardyń barlyǵyna eshqandaı ruqsat suramaı, syrǵyp, orys tiline qaraı aýysyp kettińiz. Ózińizdiń jasyńyzǵa qaramaı, 18 mıllıon halyqtyń ishinen mınıstr bolǵan ekensiz.. Sizdi táýelsizdiktiń qurdasy dep sanaımyn. Jasyńyz da osy táýelsizdikpen shamalas shyǵar. Óz ana tilińizde jaýap bermegenińizdi uıat dep sanaımyn. Sizge eskertý: kelesi otyrysta qazaq tilinde qoıylǵan suraqqa ana tilińde jaýap berseńiz. Raqmet»,-dedi ol.

Májilis tóraǵasy Nurlan Nyǵmatýlın depýtattyń pikirin qoldady.

Aıta keteıik, Áset Irǵalıev - elimizdegi eń jas mınıstr. Ol 1986 jyly 18 maýsymda Qostanaı oblysynda dúnıege kelgen.

«Adyrna» ulttyq portaly

Pikirler