Facebook áleýmettik jelisindegi «Meniń mektebim» tobynda Ashat Alımov: «Bolashaqta jumysqa turý úshin búgingi túıindemelerdiń (rezıýme) ornyna árqaısymyzdyń «ıfralyq izimiz» qoldanysta bolady degen boljaý aıtylady. Iaǵnı, bizdiń qandaı áleýmettik jelilerge kirip, onda ne oqyp, ne qarap, ne jazǵandarymyz, ınternette qandaı saıttarǵa kirip, qandaı materıaldardy izdegenimiz, qaraǵanymyz ne oqyǵanymyz, olar týraly qandaı pikir qaldyrǵanymyz (ne qaldyrmaǵanymyz da) bizdiń tanymdyq jáne kásibı deńgeılerimizdi aıǵaqtaıtyn bolady. Jumysqa turǵanda, kez kelgen jumys berýshi arnaıy saıtqa kirip, jumysqa turǵysy kelgen adam týraly osyndaı málimettermen tanysa alady» degen jazba jarııalady. Sonymen qatar ol muǵalimderdiń kóbinese qandaı pikir jazyp, nege «laık» qoıatyndaryna da tájirıbe jasaǵanyn aıtady. Qoryta aıtqanda, Ashat Alımov muǵalimderge áleýmettik jelilerde jazatyn pikirlerine muqııat bolýǵa shaqyrady. Muǵalimniń «ıfralyq iz» týraly boljamy ne úshin aıtylǵany túsiniksiz. Desek te, osy jazbany qoldap, «durys» deıtinder de joq emes eken. Jazbanyń astyna qaldyrylǵan júzdegen pikir osynyń dáleli ispettes. Alaıda, bul jazbanyń negizgi astaryna bas nazar aýdarǵan elimizdegi muǵalimderge qatysty árbir ádiletsiz jaǵdaılarmen kúresip, quqyqtyq kómek kórsetip júrgen muǵalim Aıman Saǵıdýllanyń jaýaby tómendegideı:
«Muǵalim de jany men júregi bar adam. Qoǵamdaǵy bolyp jatqan jaǵdaıǵa aralaspasa, ol nesine muǵalim? Muǵalim tek qana "Lısson stadı, Sıngapýr" dep armandap otyratyn mamandyq emes. Muǵalim óz eline, halqyna jany ashyp, ár máselesin túsinip otyratyn adam. Eldiń máselesine aralasyp, óz oıyn aıta almasa, muǵalim bolýdyń ne keregi bar?
Tań qalatynym, sol jazbaǵa kóp muǵalimder qoldaý bildiripti. Túsinbeı qoldaı salǵan ba, álde bolashaqta áleýmettik jelidegi pikirimizdi, kirgen saıtymyzdy dırektordyń tekserip bolyp, jumysqa alýyn qoldap otyr ma?
Alańdamańyzdar! Bolashaqta ondaı bolmaıdy. Sóz bostandyǵy bar. Biz de jany men júregi bar adambyz. Muǵalimniń qandaı pikir jazatynyn ólshep beretindeı eshkimniń quqyǵy joq.Tiri bolsaq ondaıǵa jol bermeımiz. Kelesi joly bireýdi qoldaıtyn kezde jazbany durystap oqyńyzdar. Áıtpese mınıstr :"Halyq qoldap otyr,"-dep ádep qaǵıdasyna engizip jibermesin».
Muqash MURATULY,
«Adyrna» ulttyq portaly.
