Atyraýlyq polıeıler aýdan turǵynnyń úıinen zańsyz saqtalǵan 106 dana kıik múıizin tárkiledi, – dep habarlaıdy «Adyrna» ulttyq portaly Polisia.kz-ke silteme jasap.
Qurmanǵazy aýdany Balqudyq aýylynyń 34 jastaǵy turǵyny óz úıinde 106 kıik múıizi men eki dana tirkelmegen tegis uńǵyly ańshy myltyǵyn zańsyz saqtaǵan. Tekserý barysynda polıeıler atalǵan azamattyń túngi ýaqytta “Yaqi” motokóligimen zańsyz ańshylyqpen aınalysyp júrgenin anyqtady. Sondaı-aq, Balqudyq aýylynyń mańynan múıizderi kesilgen tórt kıiktiń denesi tabyldy.
Atalǵan fakt boıynsha QR QK-niń 339-babynyń 3-bóligi (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sotqa deıingi tergeý amaldary júrgizilýde.
«Adyrna» ulttyq portaly
