Qyrǵyzstannyń eks-prezıdenti Sooronbaı Jeenbekov jubaıy Aıgúlmen birge Qyrǵyzstannan ketti. Bul týraly buryńǵy prezıdenttiń baspasóz hatshysy Tolgonaı Stamalıeva Sputnik Qyrǵyzstanǵa málimdedi, dep habarlaıdy "Adyrna" ulttyq portaly.
Jeenbekov 1 aqpanda "Manas" áýejaıynan Túrkııaǵa ushyp ketti. Sodan keıin ol Djıdda (Saýd Arabııasy) qalasyna kishi qajylyqqa barady.
Jeenbekov 2020 jyldyń qarashasynan bastap qajylyqqa barýdy josparlaǵan, biraq koronavırýs indeti baılanysty bul jospary oryndalmaı kelgen.
"Pandemııaǵa baılanysty qajylyqqa barý múmkin bolmady jáne Saýd Arabııasynyń resmı kelisimi qajet boldy. Al ol tarap aqpannyń basynda kelisim berdi. Kishi qajylyq 10 kúnnen astam ýaqytqa sozylady, sodan keıin Jeenbekov Bishkekke oralady", - dedi Stamalıeva.
