"Otbasy bank" basshysy Lázzat Ibragımova "Nashar nesıe tarıhy zeınetaqy jınaqtaryn alýǵa áserin tıgize me?", degen suraqqa jaýap berdi, - dep habarlaıdy «Adyrna» ulttyq portaly Tengrinews.kz tilshisine silteme jasap.
"Nashar nesıe tarıhy birjolǵy zeınetaqy tólemderin berýden bas tartýǵa sebep bolmaıdy. Bul ózara baılanysty nárseler emes", - dedi Ibragımova OKQ brıfınginde.
Onyń aıtýynsha, klıenttiń nesıe tarıhy, zeınetaqy qarajatyn ıpotekaǵa paıdalanǵan jaǵdaıda ǵana eskeriledi.
"Maqsatyńyz jańa ıpotekalyq qaryz alý bolsa, arnaıy shotqa aqsha túskennen keıin, siz, árıne, eń tıimdi sharttardy izdestirip ekinshi deńgeıdegi bankterge barasyz jáne munda qaryzdy buryn qalaı tólegenińizge, ıaǵnı nesıe tarıhyny qaraıdy.
"Otbasy bank" boıynsha naqty jaýap bere alamyn. Biz merzimi ótken bereshek bolmaǵan jaǵdaıda, kredıt tarıhyn jaqsy dep baǵalaımyz. Iaǵnı, qaryzdy keshe keshigip tólegen bolsańyz da. Nesıe alý úshin bankke ótinish pen qujattardy tapsyrý kezinde, sizde merzimi ótken bereshek bolmasa, biz sizdiń basqa ekinshi deńgeıdegi banktermen qarym-qatynasyńyzǵa qaramaımyz", - dep tolyqtyrdy Lázzat Ibragımova.
