2020 jylǵy IV toqsanda bir qyzmetkerdiń ortasha aılyq ataýly jalaqysy 233 136 teńgeni qurady, dep habarlaıdy «Adyrna» tilshisi Ulttyq statıstıka bıýrosynyń baspasóz qyzmetine silteme jasap.
Ataýly jalaqy ındeksi 2019 jylǵy tıisti toqsanyna 114,3%, al naqty jalaqy ındeksi 106,5% qurady.
Salalyq qurylymda eń úlken ataýly jalaqy taý-ken óndirý ónerkásibi jáne karerlerdi qazý – 472,2 myń teńge (ortasha respýblıkalyq deńgeıden 2,0 ese joǵary), qarjy jáne saqtandyrý qyzmetinde – 422,6 myń teńge (1,8 esege asty), kásibı, ǵylymı jáne tehnıkalyq qyzmette – 379,9 myń teńge (1,6 esege asty), aqparat jáne baılanys salasynda – 318,6 myń teńge (1,4 esege sáıkes). Eń tómengi ataýly jalaqy sýmen jabdyqtaý; qaldyqtardy jınaý, óńdeý jáne joıý, lastanýdy joıý boıynsha - 145,7 myń teńge jáne aýyl, orman jáne balyq sharýashylyǵynyń qyzmetkerlerinde – 147,7 myń teńge belgilendi.
Óńirlik bóliniste eń joǵarǵy ortasha aılyq jalaqy Atyraý oblysynda – 377,4 myń teńge belgilendi, bul ortasha respýblıkalyq kórsetkishten 1,6 ese joǵary. Túrkistan oblysynda onyń kólemi - 166,7 myń teńgeni qurady, bul el boıynsha ortasha deńgeıden 28,5%-ǵa tómen.
«Adyrna» ulttyq portaly
