Otandyq QazCovid-in vakınasyn ázirleý barysynda jyldar boıy jaqsy nátıje berip kelgen tehnologııa qoldanyldy, dep habarlaıdy «Adyrna» tilshisi Bilim jáne ǵylym mınıstrliginiń baspasóz qyzmetine silteme jasap.
Vakınanyń barlyq quramdas bóligi basqa da vakınalardy ázirleý kezinde paıdalanylyp keledi, sondyqtan senimdi komponentterden turady. Inaktıvti vakınanyń platformasy qaýipsiz bolyp tabylady. Halyqtyń kópshiligi vakınanyń quramyndaǵy komponentterdi basqa da vakınalar arqyly buǵan deıin de qabyldaǵan. QazCovid-in preparatyn ázirleý barysynda paıdalanylǵan jalǵyz jańa komponent – belsendi emes vırýs.
«Inaktıvti vakınany daıyndaý tehnologııasy qarapaıym. Ol basqa vakınalarǵa qaraǵanda qaýipsiz ári tıimdi áser etedi. Vakınany egý nátıjesinde myqty ımmýnıtet qalyptasady. Mysaly, aýyryp, keıin saýyqqan adamda paıda bolatyn ımmýnıtetpen salystyrýǵa bolady. Inaktıvti vakınany daıyndaý úshin paıdalanylǵan komponentterdiń basym bóligi ondaǵan jyldar boıy ǵylymı turǵyda paıdalanylyp keledi. Olardyń zııany bolmaǵan. Sondyqtan biz QazCovid-in ázirleý úshin vakınanyń ınaktıvti túrin tańdadyq», – dedi Qazaqstan Respýblıkasy Bilim jáne ǵylym mınıstrliginiń Ǵylym komıtetine qarasty Bıologııalyq qaýipsizdik ǵylymı-zertteý ınstıtýtynyń jetekshi ǵalymy, vırýsolog, doktor, professor Lespek Kutymbetov.
Buǵan deıin vakınany ázirlegen ǵalymdar, Bilim jáne ǵylym mınıstri Ashat Aımaǵambetov, Qazaqstan Respýblıkasy Prezıdentiniń kómekshisi Erlan Karın, Jambyl oblysynyń ákimi Berdibek Saparbaev jáne Asfendııarov atyndaǵy Qazaq ulttyq medıına ýnıversıtetiniń rektory Talǵat Nurǵojın klınıkalyq zertteýlerden tys, erikti túrde otandyq vakınany saldyrǵan bolatyn.
«Adyrna» ulttyq portaly
