Shymkenttik eks-sheneýnik 10 jylǵa sottaldy

1760
Adyrna.kz Telegram

Shymkent sáýlet jáne qala qurylysy basqarmasynyń burynǵy basshysy 498 mln. teńge bıýdjet qarjysyn talan-tarajǵa salǵany úshin jazaǵa tartyldy, dep habarlaıdy «Adyrna» tilshisi «Astana TV»-ge silteme jasap.

Bul qarajat 2019 jyly qalanyń 49 myń 500 gektar aýmaǵyna topografııalyq túsirilim jasaýǵa bólingen. Alaıda, Jeńis Baıymbetov memlekettik satyp alýdy júrgizý kezinde zań talaptaryn buzyp, lıenzııasy joq mekemeniń tenderde jeńimpaz bolýyna jol bergeni sotta dálelin taýypty. Al tenderde jeńimpaz dep tanylǵan Aqjol Aıtbaevtyń seriktestiginde múldem mamany da, topografııalyq túsirilim jasaýǵa qurylǵylary da bolmaǵany sotta aıtyldy.

- Ol bógde adamdardy jumysqa tarta otyryp, qyrýar qarjyny qolma qol aqshaǵa aınaldyrýmen aınalysqan. Saldarynan mańyzdy is bitpegen.Nátıjesinde memleketpen osy jumystardy atqarýǵa bólingen 498 mln teńgeniń bylaısha aıtqan kezde túbi joq. Atqarylǵan jumystardyń aldaǵy ýaqytta mynaý qala qurylysyndaǵy basqa da jerlerde eshqandaı jaramdylyq qasıeti joq. Sebebi jaramsyz,-dedi isti qaraǵan sýdıa Madııar Abdrasılov.

Eske salaıyq, Baıymbetov byltyr jazda sybaılas- jemqorlyqqa qarsy qyzmet ókilderimen qamaýǵa alynǵan. Sotta sondaı-aq, eks-sheneýniktiń jymqyrǵan qarajatyn zańdastyrý úshin qaladan satyp alǵan jerin týǵan ápkesiniń atyna rásimdep, ol jerge kommerııalyq nysan turǵyzǵany belgili boldy. Naryqtaǵy quny 130 mln teńge shamasynda turatyn ǵımarat tárkilenip alyndy. Bul iste ymyralasa jumys istegen Aıtbaev ta búgin sottaldy. Sýdıa oǵan 8 jylǵa bas bostandyǵynan aıyrý jazasyn kesti. Dese de, sottalǵandar úkimmen kelispeıtin sııaqty. Qorǵaýshylary appelıaııalyq shaǵym túsiretinderin málimdedi.

«Adyrna» ulttyq portaly

Pikirler