Búgin Ulttyq Akademııalyq kitaphanada Aqtóbe oblysy ákimdiginiń uıymdastyrýymen keremet eńbektiń - “Er Edige” jyrynyń mýzykalyq SD albomynyń tusaýkeseri ótti.
“Edige” eposy - túgel túrkige ortaq qundy mura. Ol - tutas dáýirdiń epıkalyq enıklopedııasy, Ulyq Ulystan jetken sherli shejiremiz. Byltyr osy tarıhı qaharmandyq jyrdyń týǵanyna 600 jyl, al Ulyq Ulystyń qurylǵanyna da 750 jyl toldy.
Aqtóbe oblysy ázirlegen albom kitapqa ataqty Muryn jyraýdan jetken “Qyrymnyń qyryq batyry” ıkldik jyry enipti. Ony qazaqtyń mańdaıaldy myqty jyrshylary jyrlap, alǵash ret aýdıo jazba túrinde kópshilikke usyndy. Jobanyń avtory - ataqty jyrshy Almas Almatov aǵamyz! Ulttyq ónerimizdi ulyqtap, qundy eńbekti kópshilikke usynǵan, jobaǵa eńbegi sińgen barsha qaýymǵa alǵys hám qutty bolsyn aıtamyz!
Osy oraıda oımaqtaı oı: jyr - bizdiń uly qazynamyz! Bizdiń talaıly tarıhymyz, shuraıly tilimiz, baı ádebıetimiz ben máıekti medenıetimiz, uranymyz ben rýhymyz, ulttyq kodymyz jyrlar arqyly jetken. Almas Almatov aǵamyzdyń aıtýynsha, qazir 560-tan asa tarıhı jyrymyz bar eken. Solardy urpaq jadynda qaıta jańǵyrtý úshin jyrshylarǵa jaǵdaı jasaý qajet!
Máselen, júz myńdaǵan jyr joldaryn jatqa biletin Almas aǵamyzdyń ózi fenomen-qubylys emes pe? Sondyqtan osyndaı qundy qazynalarymyzdyń qadirin bilýge tıispiz!
Darhan Qydyráli, Halyqaralyq túrki akademııasynyń prezıdenti
