Keshe Moldova Respýblıkasynyń Konstıtýııalyq soty elde «orys tiline mártebe berý zańsyz» dep málimdeme jasady. Óıtkeni bul Moldovanyń Konstıtýııasyna qaıshy keledi.
— Bul Moldova Respýblıkasy Konstıtýııalyq sotynyń sońǵy sheshimi. Budan ári is qaraýǵa jatpaıdy. Sheshim jaryq kórgen kúnnen bastap kúshine enedi jáne oǵan qarsy eshkim de shaǵym túsire almaıdy, – dep málimdedi jýrnalıster aldynda Konstıtýııalyq sottyń tóraǵasy Domnıka Manole.
Alaıda Moldovadaǵy oppozıııalyq partııalardyń qarsylyq bildirýine qaramastan atalǵan sheshim kúshinde qala beretin boldy. Reseıge búıregi buryla qoımaıtyn eýropalyq baǵytty ustanǵysy keletin moldovalyq ultshyldar Konstıtýııalyq sottyń bul qadamyn quptap otyr. Olar táýelsiz el eshkimge táýeldi bolmaı, óz aldyna derbes saıasatyn júrgizýi kerek dep sanaıdy.
Bul ǵana emes, Ýkraına eli de ótken aptadan bastap, eldegi barlyq qyzmet túrlerin tek qana ýkraın tilinde júzege asyratynyn málim etti. Tipti Ýkraına Joǵary Radasynyń tóraǵasy Andreı Parýbıı jıynda orys tilinde sóılegen keıbir oppozıııalyq partııa ókilderiniń mıkrofonyn óshirip tastaǵan oqıǵalar jıi kezdesti.
Ol orystardyń «Ýkraınany mádenı okkýpaııalaý ýaqyty ótti» dep málimdedi. Joǵary Rada «tek qana ýkraın tilinde sóıleýi tıis» dep talap qoıdy. Qazir el tek qana ýkraın tilinde sóılep, qyzmet etýdi úırendi jáne jaǵdaı qalypqa tústi. Búlingen eshnárse joq. Mine táýelsiz el saıasatyn osylaı derbes júrgizedi. Moldova Respýblıkasynda da memlekettik moldovan tilin qadirleý arta tústi.
Áńgimeniń aqıqaty, óz tilin qadirlemeı otyrǵan bizdiń orysqul bılik qana. Kóz aldyńyzǵa elestetip kórińizshi, mynandaı kórinis bizde qaıtalanýy múmkin be? Májilis tóraǵasy Nurlan Nyǵmatýlın orys tilinde sóılegen bir depýtattyń mıkrofonyn óshirip tastap, «memlekettik tilde sóıle» dep qatty talap qoıyp jatsa... Kez kelgen jaqsy nársege bórkin aspanǵa atyp, qýana ketetin qazaq Nyǵmatýlındi ult qaharmanyna aınaldyryp jiberer edi- aý.
Ózbek , ázerbaıjan, túrikmen, tájik, grýzın men armıannyń da bıligi men májilisi jáne zań shyǵarýshy organdary óz tilinde sóıleıdi jáne is-qaǵazdaryn memlekettik tilde júrgizedi. Al bizdiń depýtattar qazaq Májilisinde turyp, antty Reseı tilinde qabyldaıdy. Sanaǵa syımaıdy. Tirlikteri túsiniksiz.
Bizdiń orysqul bılik qana oryssha sóılep, jyly oryntaǵyn aýystyrǵysy kelmeı áli óz oryndarynda otyr. Olar oryssha sóıleıtin jáne oryssha oılaıtyn jas urpaqty kóbeıtip jatyr. Zardaby orasan zor bolatyn bul qaýipti kim toqtata alady?!
...Ózegińdi órteıtin ókinish osy.
Erkin QALDAN,
«Adyrna» ulttyq portaly.
