Kópbalaly analar bas kóterdi

2431
Adyrna.kz Telegram

Óskemendik kópbalaly analar da otbasyndaǵy zorlyq-zombylyqqa qarsy zań jobasyna narazylyqtaryn bildirdi dep habarlaıdy Stan.kz aqparat agenttigi 31 arnanyń 

">"Informbıýro" jańalyqtar baǵdarlamasyna silteme jasap.

Qala ákimdigine barǵan analar jańadan saılanǵan depýtattarǵa úmit artyp kelipti. Alaıda depýtattar pikirlerińdi "bizge jazyp ákelip berińder" degen, ashýlanǵan kópshilik poshtashynyń qyzmetin atqarmańdar dep shart qoıdy. Ótinish ıeleri birneshe kún boıy jalynyp júrip, áreń degende ákimdikke kirgen. Al depýtattardyń biri tipti "túski asymyzdy ishkizbedińizder" dep ókpelep qalǵan.

Kópbalaly analar talqylanyp jatqan turmystyq zorlyq-zombylyqqa qarsy is-qımyl týraly zańǵa baılanysty depýtattarmen kezdespek bolǵanyna birneshe kún bolǵan. Jınalǵandardyń aıtýynsha, alǵashynda, máslıhattyń birinshi sessııasy naýryzda ótetinin aıtyp, depýtattar kezdespeýge tyrysqan. Biraq túrli syltaý aıtylǵanyna qaramastan analar sheneýnikterdi kezdesýge kóndirgen. Qoıǵan talaptary da - bireý, bul zańdy qabyldatpaý.

"Bizdiń memleketimizge kerek emes zań. Áńgimeniń qysqasy osy. Ony talqylaı beretin, talqylaı beretin, bir-birimizge jazyp aparatyn emes", - dedi "Úılesim" analar qoǵamynyń jetekshisi Gúljamal Bershimbekova.

Gúljamal Bershimbekova senim artyp kelgen depýtattary usynystaryńdy jazyp ákelińder degennen keıin osylaı kúıindi. Ótinish ıeleriniń bári de "eger ózimiz jazsaq, depýtattardyń keregi ne" degen saýaldy depýtattardyń ózine qoıdy.

"Jazyńyzdar usynys biz ary qaraı jiberemiz deısizder. Sonda sizder poshtashynyń qyzmetin atqaryp otyrsyzdar ma?! Sizder, biz nege halyq árkez bolyp bitkennen keıin shýlaısyzdar? A osylaı eken ǵoı dep. Sonda qalaı?", - dedi kópbalaly ana Gúlnar Maıemerova.

Pikirler