2018-inshi jyly Habar arnasyndaǵy "Mıllıon kimge buıyrady" baǵdarlamasyna qatystym. Sol kezde anketadaǵy 10 mıllıon utyp alsańyz ne ister edińiz degen suraqqa teń jartysyn stýdentterge berer edim dep jazǵan edim. Túk qatyrmaı 150 000 ǵana uttym. Biraq shynymen de mıllıondar utsam beremin degen oıda bolǵanmyn. Árıne men de adammyn. Jurt sııaqty men de kredıtimdi japqym keldi bolmasa anamdy mekkege aparamyn, bıznes bastaımyn degen oılar bolatyn. Meni oılandyratyn bir nárse bar edi.
Magıstratýrany Túrkııada oqydym. Sol jaqta júrgende ár jerden stıpendııa alý úshin anketa toltyratynbyz. Bir jerlerden shynymen de utyp memleketten bólek qosymsha stıpendııa alyp júrdik. Bilim jolyndaǵy adamdarǵa únemi jaǵdaı jasaý kerek dep oılaıtynmyn. Qosymsha jumys jasamaý kerek. Biz munda túriktiń stýdentterine stıpendııa bermek túgili ózimizdiń qazaqtarǵa da eshteńe bermeımiz ǵoı. Jaǵdaıy joq otbasylarǵa azyq túlik tasyp olardy masyldyqqa úıretkenshe múmkin bolsa solardyń balalaryna stıpendııa taǵaıyndaý kerek sııaqty. Bilimdi adam bolyp ósse joqshylyqty da basqany da jeńedi. Eń bolmasa shetelge ketse de úıine kómektese alady.
Aldaǵy ýaqytta baıyp mıllıoner bolyp jatsam baılyǵymnyń teń jartysyn Nobel sııaqty bilim jolyndaǵy jastarǵa tastap ketemin degen oıdamyn. Qazaqstandaǵy aqshasy bar adamdardy osyndaı ıgi is jasaýǵa úgitter edim. Báribir ólgen kezde baıyn da, kedeıin de 10 metr mataǵa orap kómip jatyr ǵoı. Pálenshe atyndaǵy qordan stıpendııa alý úshin bilim jolyndaǵy balalar talasyp júrse rahat qoı. Pálensheniń asyn ótkizip soǵan kókpar ótkizip mashına pashına tikkenshe sol aqshalardy bilim jolyndaǵy jastarǵa taratsaq qoı...
