Búgin Aqtaýdaǵy Ana men bala ortalyǵynyń ujymy tórtem men onyń anasyn saltanatty túrde úılerine shyǵaryp saldy, dep habarlaıdy «Adyrna» tilshisi Mańǵystaý oblysynyń qoǵamdyq kommýnıkaııa ortalyǵyna silteme jasap.
Aqtaý qalasynyń turǵyny Samıra Gasanova 2020 jyldyń 15-shi jeltoqsan kúni bosanǵan bolatyn. Júktilik kezeńi aýyr bolǵandyqtan dárigerler áıeldi júktiliktiń 30-shy aptasynda operaııa jasap, bosandyryp alǵan. 1 ul men 3 qyz dúnıege keldi. 25 jastaǵy kelinshek osylaısha birden kópbalaly ana atandy. Sábıler - otbasynyń tuńǵyshtary.
«Qýanyshymdy jasyra almaı turmyn. Ata-anamyzdyń tóbesi kókke jetkendeı boldy. Balalarymnyń aman-esen jaryq dúnıege kelýine sebepshi bolǵan dárigerlerge otbasymnyń atynan alǵysymdy bildiremin», - dedi Samıra Gasanova.
Tórtemderdiń biri 1 keli 390 gr bolsa, eń kishisiniń salmaǵy 1 keli 190gr salmaqta týyldy. Shaqalaqtar kúsh jınaǵansha 36 kún boıy perınataldyq ortalyq dárigerleriniń jiti baqylaýynda boldy. Anasynyń da, balalarynyń da densaýlyǵy jaqsy, deıdi dárigerler. Ata-anasy nárestelerge Rasýl, Fanara, Aıla men Narın esimderin bergen.
«Byltyr bizdiń ortalyqta 8610 bala jaryq dúnıe esigin ashty. Onyń ishinde 2 úshem men 147 egiz bala dúnıege kelgen», - dedi Mańǵystaý oblystyq Ana perınataldyq ortalyǵynyń dáriger neanotology Toıdyq Jumaǵambetova.
Mańǵystaý oblysy bala týý kórsetkishinen respýblıka boıynsha sońǵy 3 jyl boıy kósh basynda keledi. Byltyr aımaqta 21753 sábı dúnıege kelgen.
«Adyrna» ulttyq portaly
