Májilis saılaýynan keıin úkimettiń quramy aıtarlyqtaı ózgergen joq. Mınıstrlerdiń basym bóligi óz ornyn saqtap qaldy. Eńbek jáne halyqty áleýmettik qorǵaý mınıstri bolǵan Birjan Nurymbetov men ulttyq ekonomıka mınıstrligin basqarǵan Rýslan Dálenov qana qyzmetten ketti.
Olardyń ornyna vıe-mınıstrler keldi. Al syrtqy ister mınıstri Muhtar Tileýberdi premer-mınıstrdiń orynbasary qyzmetin qosa atqarady. Sputnik Qazaqstan tilshisine suqbat bergen saıasattanýshylar úkimettegi kadrlyq aýys-túıisti túsindirdi.
Mınıstr mártebesi kóterildi
Saıasattanýshy Danııar Áshimbaevtyń aıtýynsha, syrtqy ister mınıstriniń mártebesin vıe-premerge deıin kóterý tájirıbesi buryn da bolǵan.
"1999 jyly Qasym-Jomart Toqaev syrtqy ister mınıstri men vıe-premer qyzmetin qatar atqarǵan. Sondyqtan prezıdent osy tájirıbeni jaqsy biledi. Sol kezde dıplomatııalyq korpýsty damytýǵa qatysty biraz mańyzdy sheshimder qabyldanǵan bolatyn. Al jańa prezıdenttiń komandasynda syrtqy ister júıesinen kelgen mamandar az emes. Sońǵy jyldary syrtqy ister mınıstrligine ekonomıkalyq jáne ınvestıııalyq sıpattaǵy mindetterdi júkteýge tyrysqan. Osy tájirıbe taǵy qaıtalanatyn shyǵar", - deıdi Áshimbaev.
Al saıası sholýshy Ǵazız Ábishev taǵy eki mınıstrdi eske aldy. Olar da vıe-premer qyzmetin qosa atqarǵan.
"Kezinde qarjy mınıstri bolǵan Baqyt Sultanovqa da vıe-premer qyzmeti júktelgen. Indýstrıalızaııa qolǵa alynǵanda Áset Isekeshev vıe-premer boldy. Tutas bir baǵyttyń mindeti bir mınıstrge júktelgende osyndaı mártebe beriledi. Sebebi ol adam basqa vıe-mınıstrlerdi shuǵyl shaqyryp, keńes ótkizýi kerek. Vedomstvoaralyq jobalarǵa jetekishilik etedi. Bizde syrtqy ekonomıkalyq baǵytty kúsheıtip jatqan sııaqty", - dep atap kórsetti Ábishev.
Sarapshynyń sózine qaraǵanda, búginde álemdik ekonomıkany qalpyný keltirý men ınfekııalyq qaýipsizdik aıasynda ıntegraııalyq jobalardy iske asyrǵan mańyzdy. Eýrazııalyq ekonomıkalyq odaqpen, batys elderimen, kórshi Qytaımen de tyǵyz qarym-qatynas júrgizý kerek. Sol sebepti syrtqy ister mınıstrin vıe-premerge deıin kóterip otyr.
Eki mınıstr nege ketti
Danııar Áshimbaevtyń oıynsha, mınıstr qyzmetinen ketken eki sheneýnik - synǵa jıi ushyraǵandar. Al úkimettiń quramy qatty ózgermeıdi degen boljam áý basta bolǵan.
"Rýslan Dálenov ekonomıkalyq "gýrý" bola almady. Tolyqqandy strategııa jasalǵan joq. Al úkimet tarapynan qolǵa alynǵan sharalardy jıi synǵa aldy. Birjan Nurymbetovty vedomstvonyń sapasyz jumysy úshin aıyptaǵan. Oǵan qosa, týǵan aǵasy jemqorlyqqa qatysy bar degen kúdikke ilindi", - deıdi Áshimbaev.
Osy oraıda sarapshy 42 500 teńgeniń jyryn eske aldy. Sol kezde esep-qısaptyń ádistemesi kóp sóz boldy. Elektrondy júıeden de aqaý shyqty. Zeınetaqy jınaǵyn paıdalaný boıynsha alǵashqy usynystardyń tóńireginde kelispeýshilik bolǵan. Al Rýslan Dálenovke májiliste jıi synalatyn.
"Dálenovti ǵylymı-zertteý salasyna nemese EAEO júıesine aýystyratyn shyǵar. Máselen, Máskeýge Eýrazııalyq komıssııaǵa jiberýi múmkin", - dep atap kórsetti Ábishev.
Úkimet quramy taǵy ózgere me
Rýslan Dálenovtyń ornyna ulttyq ekonomıka vıe-mınıstri bolǵan Áset Erǵalıev keldi. Ol úkimettegi eń jas mınıstr. Jasy – 34-te.
"Ol jas, Londonda jumys istegen. Myqty ekonomıst, bilimi de zaman talabyna saı", - deıdi saıası sholýshy Ábishev.
Onyń oıynsha, bıyl úkimettiń quramy taǵy ózgerýi múmkin.
"Menińshe, Asqar Mamın ázirshe óz komandasyn saqtap qalǵysy kelip otyr. Qazirgi jaǵdaı da solaı bolyp tur. Oǵan mınıstrlerdi aýystyrǵan tıimsiz. oı (Alekseı oı – densaýlyq saqtaý mınıstri) jaqynda ǵana taǵaıyndalǵan. Aımaǵambetov (Ashat Aımaǵambetov - bilim jáne ǵylym mınıstri) bolsa, ózin jaqsy kórsete bildi. Qalǵany birqalypty jumys istep jatyr. Basshylyq ta solaı baǵalaıtyn shyǵar. Bálkim, jazda ózgeris bolyp qalady", - deıdi Ábishev.
Al saıasattanýshy Samat Nurtaza Mamın komandasyn bir-birimen oınaýǵa tóselgen hokkeıshilerge teńedi. Sol sebepti mınıstrlerdiń basym bóligi óz ornynda qaldy.
"Ásirese, pandemııa kezinde ońaı bolǵan joq. 2020 jyly sáýir-qyrkúıek aılarynda óte aýyr boldy. Sol kezde mınıstrler kabıneti óz jumysyn taza "tórtke" oryndap shyqty. Basshysy aýysqan eki mınıstrlik osy "toptyń" álsiz býyny bolǵan sııaqty", - dep jazdy Nurtaza Facebook paraqshasynda.
Aıta keteıik, búgin eki jańa mınıstr halyqqa adal qyzmet etýge ant berip, resmı túrde óz jumysyna kiristi.
