Májilistiń otyrysynda depýtat Amanjan Jamalov zeınetaqynyń bir bóligin alý týraly zańdy tezirek qabyldaýdy surady, dep habarlaıdy «Adyrna» ulttyq portaly Stan.kz aqparat agenttigine silteme jasap.
Ol premer-mınıstr Asqar Mamın men ulttyq bank tóraǵasy Erbolat Dosaevqa azamattardyń zeınetaqy qoryndaǵy qarajatynyń bir bóligin alýdy retteıtin normatıvtik-quqyqtyq aktilerdi tezirek qabyldaýdy surady.
"Memleket basshysy 2021 jyldyń 2 qańtarynda azamattardyń zeınetaqy qoryndaǵy aqshasynyń bóligin alý týraly zańǵa qol qoıdy. Ol baıaǵyda zańdy kúshine endi. Alaıda Úkimet áli kúnge deıin turǵyn úı jaǵdaıyn jaqsartý úshin zeınetaqy qoryndaǵy birrettik tólemdi paıdalana almaı otyr. 761 myń azamat osy erejeni kútip otyr, olar úıdi de tańdap qoıdy. Al bul erejeler túrli kelisim men bekitý úshin kabınetter arasynda "serýendep júr", - dedi Jamalov saýalynda.
Osylaısha ol birqatar máselelerdi alǵa tartyp, naqty derekter usynǵan.
"Kóptegen turǵyn páterdi 5 jyl ishinde satýǵa bolmaıdy degen shekteýge narazy bolyp otyr. Olar ómirde bolatyn jaǵdaılar - basqa aımaqqa, qalaǵa kóshý, turǵyn úı jaǵdaıyn jaqsartý sekildi jaıttar eskerilmegenin atap otyr. Sondaı-aq, azamattar aqshany salynyp jatqan úıden páter alý men turyp jatqan úıine jóndeý júrgizýge alýdy qarastyrýdy suraıdy. Azamattardyń quqyǵyn shektemeı, talabyna jaýap berýdi atap ótkim keledi. Prezıdenttiń tapsyrmasy men azamattardyń kútip otyrǵanyn eskerip, 2021 jylǵy qańtardyń sońyna deıin zeınetaqy qorynda jınalǵan aqshanyń bóligin paıdalaný boıynsha normatıvtik-quqyqtyq aktilerdi tezirek qabyldaýdy suraımyn", - dedi depýtat.
