QR Prezidentı Q.K.Toqaevqa!
Asa märtebelı Qasymjomart Kemelūly!
Ai, Künnıŋ amanynda şyqqyr közım ne körıp otyrsyŋ?! Täuelsız 30 jylda Ana tılımızdı - Memlekettık tılımızdı ardaqtaudan jetken jerımız osy bolǧany ma?! Jaŋa sailaudan kütkenımız osy ma edı?!
Bügın qasterlı Ant beru räsımınde tılın şainap tūrǧan deputattar künı erteŋ tıl arqyly jürekke ornyǧar dılımızdıŋ dal-dūlyn şyǧaryp, şainap tastaryna tıptı de kümän qalmai otyr! Tıldı bılmegen deputat halqymyzdyŋ müddesıne orailasar jıbı tüzu örkeniettı zaŋ qabyldai qoiady ma?
Sız bastaǧan reformaǧa myna tılın şainaǧan deputattar ılese ala ma? Reforma - jaŋalyq! Jaŋalyqty qabyldau, qoldau üşın tyŋ tanym, sara sana, sony serpın kerek. Saqau deputattar boiynan Sız bastaǧan reformany tüsınıp, tüisınıp, qadırıne jetıp qoldaityn qasiet tabyla ma?
Deputattar saqau! Demek, Parlament saqau! Saqau parlament būl küiınde marǧau zaŋ qabyldap, maqau parlamentke ainalyp ketpes pe?! Endı ne şara?
Parlamenttı taratu qūzyryŋyzda! Bıraq, obal şyǧar! Halyq jeke deputatqa emes, partiiaǧa dauys berdı. Olai bolsa partiialar saqau deputattardyŋ mandatyn qaitaryp alsyn! Ornyna memlekettılıktıŋ basty atributy - memlekettık tıldı qūrmetteitın, örkeniettık oilau jüiesı bar, elın älemdegı örkeniettı eldermen salystyra taldap, örge süireitın [reformany tüsınıp qoldaityn] kemel TŪLǦASYN taǧaiyndasyn!
Onsyz da Parlament sailauy sailau emes, "taǧaiyndau" ekenın jūrt bılıp, bırauyzdan aityp otyr!
Eldıŋ, el qūrǧan [qūraǧan] Qazaqstan Respublikasy Garanty retınde Sızden osyny talap etemın!Talap etu QR azamaty retınde mındetım häm azamattyq paryzym dep bılemın!
Qūrmetpen, jazuşy,
ǧalym Qūlbek ERGÖBEK.
