Almatyda esirtki satýmen aınalysqan uıymdasqan qylmystyq top músheleri uzaq merzimge bas bostandyǵynan aıyryldy. Bul týraly «Adyrna» ulttyq portaly Polisia.kz - ke silteme jasaı otyryp habarlaıdy.
Esterińizge sala keteıik, Almatydaǵy esirtki qylmysymen kúresýshiler maqsatty jedel-izdestirý is-sharalary kezinde Almaty qalasynyń aýmaǵynda “gashısh” esirtkisin satýmen jáne taratýmen aınalysqan qylmystyq topty áshkereledi.
– QR QK-niń 297-baby 4-bóligimen tirkelgen qylmystyq is aıasynda júrgizilgen jedel-izdestirý is-sharalary barysynda A.esimdi azamattyń zańsyz Almaty qalasynyń aýmaǵynda esirtki zattaryn satý jáne saqtaý maqsatynda Almaty qalasynyń aýmaǵynda uıymdasqan top quryp, oǵan jetekshilik etkendigi anyqtaldy. Bul fakt boıynsha QR QK-niń 262-baby 1 jáne 2-bóligi – qylmystyq uıymnyń uıymdasqan tobyn qurý jáne basqarý, sondaı-aq olarǵa qatysý boıynsha da qylmystyq ister tirkeldi. Izdestirý is-sharalary júrgizilgen jerlerde ustalǵandardan bir travmatıkalyq tapansha, bir tegis uńǵyly myltyq jáne olarǵa arnalǵan oq-dári, sonymen qatar, jalpy salmaǵy 4 kg 868,38gr esirtki zaty “gashısh” tárkilendi, – dedi Almaty qalalyq PD esirtki qylmystaryna qarsy kúres basqarmasynyń bastyǵy Erlan Almaǵambetov.
Tergeý jáne jedel-izdestirý is-sharalary men sot-medıınalyq saraptamalar keshenin júrgizgen is júrgizý prokýrorlary tobynyń qatysýymen, sondaı-aq, Tergeý basqarmasy men esirtki qylmystaryna qarsy kúres Basqarmasynyń tájirıbeli qyzmetkerleri arasynan qurylǵan tergeý-jedel toptyń úılesimdi jumysynyń arqasynda barlyq uıymdasqan qylmystyq top músheleri áshkerelendi, olardyń qylmystyq áreketteri dáleldendi jáne “satý keńseleri” dep atalatyn dárihanalar joıyldy.
– Ustalǵan adamdarǵa qatysty QR QK-niń 262 baby 1,2 bóligi (qurý jáne basqarý, sondaı-aq uıymdasqan qylmystyq topqa qatysý) – eki qylmystyq is, QR QK-niń 297-baby 4-bóligi (esirtki satý) -28 qylmystyq is, QR QK-niń 287-baby 2-bóligi (atys qarýyn zańsyz saqtaý) – bir qylmys is, QR QK-niń 302-baby 2-bóligi (esirtkini tutyný úshin jezóksheler úıin uıymdastyrý jáne ustaý) – bir qylmystyq is tirkeldi.
2020 jyldyń 30 jeltoqsanynda Almaty qalasynyń qylmystyq ister jónindegi mamandandyrylǵan aýdanaralyq sotynyń qaýlysymen barlyq uıymdasqan qylmystyq top músheleri ózderine qatysty áreketter úshin kináli dep tanyldy, qylmystyq toptyń basshysy, A. esimdi azamatqa 17 jylǵa bas bostandyǵynan aıyrý túrindegi jaza taǵaıyndaldy, qylmystyq toptyń qalǵan tórt múshesi 16 jylǵa bas bostandyǵynan aıyryldy, – dedi Almaty Qalalyq polıııa departamenti Tergeý basqarmasy bóliminiń bastyǵy Ádil Salaev.
"Adyrna" ulttyq portaly
Foto ashyq derekkózden alyndy
