«ArselorMıttal Temirtaý» AQ shahtasynda apat boldy

2117
Adyrna.kz Telegram

«ArselorMıttal Temirtaý» AQ shahtasyndaǵy apat oryn aldy. Bul týraly «Adyrna» tilshisine Qazaqstan Respýblıkasy Tótenshe jaǵdaı mınıstriniń baspasóz qyzmeti habarlady.

2021 jylǵy 13 qańtarda saǵat 21.53-te  «ArselorMıttal Temirtaý» AQ Kómir departamentiniń «Lenın atyndaǵy» shahtasynda (gorızonty 340, tereńdigi 840 metr) barlaý uńǵymasyn burǵylaý kezinde metan gazy men kómirdiń usaq frakııalary bólindi.
Bul kúni úsh jumysshy, atap aıtqanda burǵylaý qondyrǵysynyń mashınısi, mashınıstiń kómekshisi, sondaı-aq jeldetý jáne qaýipsizdik tehnıkasy ýchaskesiniń taý-ken sheberi uńǵyma túbinde barlaý jumystaryn júrgizip jatqan.
Apat saldarynan taý-ken sheberi men mashınıstiń kómekshisi apat ornynan dereý ketip qaldy, al mashınıst uńǵyma túbinen shyǵa almady.

Apat kezinde shahtada úshinshi aýysymnyń 137 qyzmetkeri bolǵan. Olardyń 136-sy jer betine      shyǵaryldy.
Kásiporynnyń avarııalyq-qutqarý qyzmeti kelgennen keıin dereý shahtaǵa tústi. Saǵat 23.00-de aerogazdy baqylaý apparatýrasynyń kórsetkishterine sáıkes shahtanyń taý-ken qazbalaryndaǵy gaz jaǵdaıy qalypqa keldi. Avarııalyq-qutqarý qyzmetiniń bólimshesi uńǵyma túbindegi taý-ken massasyn tazalaýda.

Zardap shekken bir adamdy izdestirý jumystary jalǵastyrylýda. Izdestirý jumystaryna shahtanyń 17 qyzmetkeri men avarııalyq-qutqarý qyzmetiniń eki bólimshesi (16 adam) jumyldyryldy.
Atalǵan apatty tekserý úshin QR TJM Ónerkásiptik qaýipsizdik komıtetiniń Qaraǵandy oblysy boıynsha departamentiniń janynda komıssııa quryldy.

"Adyrna" ulttyq portaly

Foto ashyq derekkózden alyndy

Pikirler