Ermahan Ibraımov: Mıtıngke halyqty sabyrǵa shaqyrý úshin bardym

3282
Adyrna.kz Telegram

Tanymal boksshy Ermahan Ibraımov saılaý  kúni Táýelsizdik alańynda bolǵan jaıtqa qatysty túsinikteme berdi, dep habarlaıdy «Adyrna» tilshisi. Ol bul týraly Instagram jelisindegi resmı paraqshasynda jazdy.

«Qurmetti otandastar! Osy ýaqytqa deıin men halqymmen birge boldym jáne áli de birge bolatynymdy aıtqym keledi. Mıtıng kezinde narazylyq bildirgen halyqqa kúsh kórsetý maqsatynda emes, sabyrǵa shaqyrý úshin barǵan bolatynmyn. Biraq qarsy toptardyń belsendileri maǵan keri pikir bildirip, meniń jeke namysyma tıetin sózder aıtyp jatqasyn, jaqyndap baryp, bárin túsindirmekshi boldym. Sol tusta qarsy toptardyń arandatýshylary meni kadrǵa alyp, túrli baǵytta aqparattar taratyp jibergen bolatyn»,-dedi ol.

Sondaı-aq, Sıdneı Olımpıadasynyń jeńimpazy jazylǵan pikirlerge synı turǵydan qaraıtynyn jetkizdi.

«Iá, áleýmettik jelilerde sýretim men vıdeo tarap ketip, maǵan keri pikirler aıtylýda. Onyń bárin synı turǵyda qabyldaımyn.
Alaıda men osy saılaýǵa qatysýymnyń sebebi de qarapaıym halyq úshin ekenin taǵy da aıtqym keledi. Sebebi tóbeme kóterip, qurmettegen halyqqa qarsy shyǵý meniń oıymda da bolmaǵan!
Sondyqtan qadirli qazaq eli, mıtıng kezinde bolǵan jaǵdaıdy qysqasha osylaı túsindirgim keledi. Barlyǵy alda. El múddesi úshin alda áli de ıgilikti isterdi atqaratyn bolamyn»,-dep sózin qorytyndylady sportshy.

«Adyrna» ulttyq portaly

Pikirler