«Qazaq eli» atty qazaq mýltıplıkaııasy tarıhyndaǵy tuńǵysh tarıhı tolyqmetrajdy anımaııalyq fılmi qarashanyń 4-i men 13-i aralyǵynda Barselonada (Ispanııa) ótetin Azııalyq kıno festıvaliniń (Asian Film Festival) negizgi baıqaýyna iriktelip alyndy.
Anımaııalyq kınotýyndynyń halyqaralyq kınofestıvalderde kórsetilip, keńinen nasıhattalý jumystaryn Sh.Aımanov atyndaǵy «Qazaqfılm» AQ júzege asyrady.
Bul týyndyny QR Mádenıet jáne sport mınıstrliginiń tapsyrysy boıynsha «SAQ-dala» JShS túsirgen.
Rejısseri: Batyrhan Dáýrenbekov
Senarıı avtorlary: Saǵadildá Úsipbalıev, Baqytjan Kuljabaı.
«Qazaq eli» anımaııalyq fılmi bolashaq handar – Jánibek pen Kereıdiń balalyq shaǵy men eseıý jyldary týraly baıandaıdy. Mýltfılmde – ulan-ǵaıyr qazaq dalasy, zańǵar taýlar jáne Uly Jibek jolyndaǵy Syǵanaq, Otyrar, Taraz jáne Túrkistan sekildi ejelgi qalalar beınelengen.
- Fılm halyqaralyq arenada - sonaý Ispanııada kórsetiletinine qýanyshtymyn. Bul mýltfılmdi biz eń birinshiden balalarǵa arnap jasadyq. Kartınada bostandyq pen táýelsizdik úshin kúres jolynda qazaq eliniń basyn qalaı biriktirgendigi jaıly áńgimelenedi.Sondyqtan ıspandyq kórermender de elimizdiń baı tarıhymen tanysatyn bolady, - dedi fılmniń rejısseri Batyrhan Dáýrenbekov.
Atalmysh festıvalde 20 Azııa elderiniń 80-ge jýyq fılmderi kórsetiledi. Otandyq týyndydan basqa festıvalge Qytaı, Koreı, Iran, Fılıppın, Sıngapýr, Aýǵanystan, Jańa Zelandııa, Taıland, Malaızııa jáne Vetnam elderiniń fılmderi qatysady. Aıta ketetin jaıt, festıval sheńberinde Sh.Aımanov atyndaǵy «Qazaqfılm» AQ jaryqqa shyǵarǵan Satybaldy Narymbetovtyń «Amanat» jáne Doshan Joljaqsynovtyń «Qunanbaı» tarıhı týyndylary, sonymen qatar Asqar Uzabaevtyń «Jol» dramasy men Murat Mahannyń debıýttik «Sot oryndaýshysy» fılmi kórsetiledi.
Esterińizge sala ketsek, jasalýynda 2-D jáne 3D-tehnologııalar paıdalanylǵan «Qazaq eli» anımaııalyq fılmi ústimizdegi jyly mamyr aıynda kópshilik nazaryna usynylyp, kınoteatrlardan kórsetilgen bolatyn. Fılmniń jaryqqa shyǵýyna atsalysqandar qatarynda QR mádenıet jáne sport mınıstri Arystanbek Muhamedıuly, tarıh ǵylymdarynyń doktory Jambyl Artyqbaı jáne belgili jazýshy Dýlat Isabekov te bar. Bas keıipkerlerdi Ǵ.Músirepov atyndaǵy Qazaq Memlekettik akademııalyq balalar jáne jasóspirimder teatrynyń, sondaı-aq, J.Shanın atyndaǵy Ońtústik-Qazaqstan oblystyq qazaq drama teatrynyń ártisteri dybystady. Fılmniń saýndtrekterin Nurlan Abdýllın, Sáken Maıǵazıev jáne basqa da tanymal qazaqstandyq ánshiler oryndady.
"ADYRNA"
