Búgin Nur-Sultan qalasyndaǵy avtokólik jýý oryndarynyń birinde 13 jeńil kólik órtenip ketti, dep habarlaıdy «Adyrna» tilshisi qalalyq TJD baspasóz qyzmetine silteme jasap.
«Órt sóndirý bólimshelerinen 9 birlik tehnıka men jeke quramnan 15 adam shyqty. Órt sóndirýshiler saǵat 08: 59-da kelgen boıda "Batyr" kólik jýý ornynyń eki qabatty ǵımaratynda kólikter janyp jatqany anyqtaldy. Aldyn ala boljam boıynsha 13 jeńil avtokólik zardap shekti»,-delingen habarlamada.
Qaza bolǵandar men zardap shekkender joq. Órttiń shyǵý sebebi anyqtalýda.
«Adyrna» ulttyq portaly
